Ёзувчи Габриэль Гарсиа Маркес ёруғ оламни тарк этди

Маркес Колумбиялик таниқли ёзувчи, адабиёт соҳасидаги Нобель мукофоти соҳиби Габриэль Гарсиа Маркес 87 ёшида Мехикода вафот этди.

Ёзувчи 17 апрель куни ўз уйида, оила аъзолари ва яқинлари оғушида бу ёруғ оламни тарк  этган.

Бир ҳафта аввал уни Мехикодаги шифохонадан уйга кетишига рухсат беришганди. У 31 март куни ўпка инфекцияси сабаб шифохонага ётқизилганди. Ўшанда клиника вакили Маркес даволанишни уйда давом эттириши мумкинлигини маълум қилганди.

Габриэль Гарсиа Маркес 1960 йиллардаги Лотин Америкаси “адабиёт феномени”нинг энг асосий вакилларидан бири ҳисобланади. Колумбиялик ёзувчининг “Ёлғизликнинг юз йили”, “Полковникка ҳеч ким ёзмайди”, “Вабо давридаги севги” номли асарлари китобхонлар орасида катта шуҳрат қозонган. Машҳур адибнинг “Ёлғизликнинг юз йили” номли асари дунёнинг қирққа яқин тилига таржима қилинган ва 50 миллион нусхада сотилган.

1982 йилда адабиёт бўйича Нобель мукофотига сазовор бўлган  Маркес нафақат ватани Колумбияда, балки бу минтақанинг бошқа мамлакатларида ҳам қадрланади.

Маркеснинг вафоти муносабати билан Колумбияда уч кунлик мотам эълон қилинди.

Габриэль Гарсиа Маркес 1927 йил 6 март куни Колумбиянинг Аракатака шаҳрида туғилган.

Ўтган асрнинг 50 йилларида  Мексика пойтахти Мехико шаҳрида қўним топганди.

Унинг рафиқаси Мерседес, ўғиллари Родриго ва Гонзалолар учун адибнинг ўлими қанчалик оғир жудолик бўлса, чинакам адабиёт ихлосмандлари учун ҳам шу қадар қайғулидир. Зеро, чинакам истеъдод  биргина миллатга эмас,  балки бутун инсониятга дахлдордир.

Бетакрор адабий мерос қолдирган  Маркес нафақат ажойиб адиб, балки яхшигина    сиёсатчи ҳам эди.

Унинг Куба президенти Фидел Кастро билан дўстлиги Лотин Америкаси адабиётчилари ва сиёсатчилари орасида турфа мунозараларга сабаб бўлган .

Алвидо, замонамизнинг буюк адиби Маркес!!!

Бўлишинг:

Муҳаррир танлови

Воронежда қизларни зўрлаб келган бир гуруҳ ўзбекистонликлар жазоланди

Россиянинг Воронеж шаҳрида қизларнинг номусига теккан уч нафар ўзбекистонлик суд қилинди. Бу ҳақда шаҳарнинг Марказий туман суди матбуот хизматига таяниб, Sputnik ёзмоқда. ...

Москвада ушланган тожикларнинг ҳуқуқлари қўпол бузилгани айтилмоқда (видео)

РФ президенти ҳузуридаги фуқаролик жамияти ва инсон ҳуқуқларини ривожлантириш Кенгаши (ИХК) РФ ИИВга мурожаат қилиб, пойтахнинг жанубий шарқидаги “Москва” савдо марказида ...

Москвада ўзбекистонликлар ва қирғизистонликлар муштлашди – бир киши ҳалок бўлди

Ҳодиса Некрасовка туманидаги Вертолетчиклар кўчасида жойлашган уй қаршисида юз берган Москвадаги қурилиш объектларининг бирида Ўзбекистон ва Қирғизистон фуқаролари муштлашуви ...