Расул Кушербаев: «Буни иккиюзламачилик дейишади»

Расул Кушербаев: «Буни иккиюзламачилик дейишади»
Олий Мажлис депутати Расул Кушербаев Тошкент вилояти Янгийўл тумани «Бунёдкор» маҳалласида 7 гектардан ортиқроқ майдонда қад ростлаган 47та хонадон бузилишга тушгани, 28 апрель куни уйларнинг бир қисми яроқсиз ҳолга келтирилганига ўз муносабатини билдирди.

«Бу гал фуқароларга қонуний берилган ерларни ноқонунийга чиқариб, суд қарорисиз ўзбошимча бузиб ташлаш ҳолати.
Суд ҳам, жазоловчи ҳам, ижрочи бузувчи ҳам битта. Қонунларнинг аҳволини кўр.

Буни иккиюзламачилик дейишади.
Аммо бир гап: мен билган давлат лафзини бузмайди, фақат яхши кўринаман, орден оламан деб, одамлар манфаатидан кўз юмадиганлар бузади.

Аламлиси, фуқаролар ниқобсиз юргани ёки бир ИИБ ходимининг ҳужжатингни кўрсат, деган талабини бажармагани учун, керак бўлса қамалаяпти, лекин фуқаро пешона тери билан қурган бино зўрлик билан, судсиз бузилса ҳам, шундай ёндошув бўлиш ўрнига, йўқ жойдан яна фуқаро айбдор бўлиб чиқаяпти: қонунбузар, ўзбошимча, дангаса… Мана бу ҳақиқий адолатсизлик.

Қойил, биз мана шундай жамиятда яшаяпмиз ва унда масъулларимиз инсон ҳуқуқларини барча нарсадан устун қўйишади!
Хуллас, оддий фуқароларга хос мардлик ва холислик етишмаяпти масъулларимизда», деб ёзади Расул Кушербаев.

Шунингдек, у қўшимча қилади: «Халқни чалғитаяпти, асоссиз популистлик қилаяпти, бундан унинг шахсий манфаати бор, деган гаплар чиқиб қолса рози бўлинглар! Ростанам шахсий манфаатим бор – ўткинчи ҳаётда озгина бўлса ҳам одамлар ишончини оқлаш» – дейди депутат.

Бўлишинг:

Муҳаррир танлови

Байрам муборак, азиз аёллар

"Бирдамлик" Халқ Демократик ҳаракати Сизларни энг ёрқин ва самимий баҳор байрами – 8-Март – Халқаро хотин-қизлар куни билан чин қалбидан табриклайди! (more…)

Президентдан сиёсий маҳбусларни озод этишни талаб қилишмоқда

Мисрлик сиёсатчилар ва журналистлар президент Абдулфаттоҳ Сисийни мамлакатдаги барча сиёсий маҳбусларни озод этишга чақирди. Бу ҳақда “Азон.уз” ёзмоқда. “Биз президентдан ...

Андижонлик она ўз фарзандини уриб ўлдирди

  2018 йил 16 октябрь куни Андижон вилоятининг Избоскан туманида яшовчи уй бекаси Ш.В. уйида 5 ёшли ўғли З.К.ни тарбиялаш мақсадида унинг танасини турли жойларига ёғоч ...