«Ўзбекнефтгаз» раиси бошчилигидаги ишчи гуруҳ ишлаб чиқариш корхоналари, конлар ва қудуқлар ҳолатини ўрганмоқда

«Ўзбекнефтгаз» АЖ бошқаруви раиси Меҳриддин Абдуллаев бошчилигидаги ишчи гуруҳ ижтимоий-иқтисодий аҳвол, ходимларнинг иш ва яшаш шароитларини ўрганиш, жойларда мавжуд муаммоларни аниқлаш, уларни ҳал этиш мақсадида ҳар ҳафта якунида конлар, қудуқлар ва тизимдаги корхоналарга ташриф буюрмоқда.

Қашқадарё вилоятининг Ғузор туманидаги «Шўртан газ кимё комплексининг тозаланган метан негизида синтетик суюқ ёқилғи ишлаб чиқариш» инвестиция лойиҳаси, GTL заводининг асосий технологик қурилмаларнинг қурилиш жараёни ҳамда қурилиш майдонида фаолият олиб бораётган мутахассис ва ишчи-ходимларнинг меҳнат шароитлари ўрганилди.

Ўзбекистонда ва бутун дунёда вужудга келган эпидемиологик вазиятга қарамасдан, синтетик суюқ ёқилғи ишлаб чиқариш бўйича минтақадаги энг йирик бўлган завод қурилиши давом этаётгани, корхонада ҳар бир ходимнинг ҳаёти ва соғлиғини ҳимоя қилиш чоралари кўрилгани алоҳида эътироф этилди ва лойиҳанинг ўз вақтида бажарилиши бўйича кўрсатма ва топшириқлар берилди.

Ишчи гуруҳ аъзолари Бухоро вилояти ҳудудида жойлашган Муборак нефт ва газ қазиб чиқариш бошқармасига қарашли, ҳозирда табиий газ ва газ конденсати қазиб чиқарилаётган 43та қудуқни ўзида бирлаштирган «Сомонтепа» конидаги қурилиш ишлари ҳолатини ҳам ўрганди.

«Сомонтепа» конида кунлик 1 млн. метр куб газ қазиб олиш, йиллик 4 млрд. метр куб газ хом ашёси ўтказиш қувватига эга газ коллектор лойиҳасининг қурилиш ишлари ҳолати ҳам кўриб чиқилди. Бундан ташқари, «Сомонтепа» газ йиғув пунктида газни бирламчи тайёрлаш қурилмасидаги қурилиш ишлари қандай бажарилаётгани ҳам текширилиб, унинг жорий йил июнь ойининг бошида ишга туширилиши бўйича вазифалар белгилаб берилган.

«Ўзбекнефтгаз» АЖ Бошқаруви раиси бошчилигидаги ишчи гуруҳ аъзолари «Жанубий Ўртабулоқ» кони майдонида «қуйи терреген» қатламини ўрганиш учун бурғиланаётган янги 2-сонли терриген излов қудуғида олиб борилаётган ишлар ҳолатини ўрганди ва малакали мутахасиссислар билан ҳамкорлик қилиш керакли борасида вазифаларни белгилаб берди.

«Ўзбекнефтгазбурғилаш» МЧЖ томонидан бурғиланаётган ушбу қудуқ ишга туширилиши натижасида, XVIII горизонт – «қуйи терреген» маҳсулдор қатламидан кунлик 100 минг метр куб олтингугуртсиз газ ва 10 тонна конденсат хом ашёси қазиб олиниши кутилмоқда.

                                                                                                                                               «Ўзбекнефтгаз» АЖ Матбуот хизмат

https://kun.uz/news/2020/05/13/ozbekneftgaz-raisi-boshchiligidagi-ishchi-guruh-ishlab-chiqarish-korxonalari-konlar-va-quduqlar-holatini-organmoqda
Бўлишинг:

Муҳаррир танлови

Яккабоғ туманига абдирасул сафаров ҳоким бўлди

31 июль куни Қашқадарё вилояти Халқ депутатлари Яккабоғ туман Кенгашининг навбатдан ташқари сессиясида туманга янги ҳоким тайинланди. Қашқадарё вилояти ҳокимлиги ахборот ...

Ўзбекистон украинадан шакар импортини тўхтатиб қўйди

Украина Шакар ишлаб чиқарувчилар миллий ассоциацияси маълумотига кўра, айни пайтда Ўзбекистонга юборилган шакар ва юклар тушириб олинмаяпти ҳамда божхона расмийлаштирувидан ...

Водий аҳолиси яна электрдаги узилишлардан норози бўлмоқда. бу ҳолатга табиий газ танқислиги сабабми?

Мана қиш фаслининг охирги ўн кунлигидамиз. Бу йилги совуқ ойлар давомида водийнинг уч вилоятида аҳоли кундалик эҳтиёжи учун энг долзарб бўлган электр таъминотида ижобий ...