Бошқа мавзуларУкраинадаги урушда Россия 498 аскарини йўқотди, 1597 аскари яраланди, деди Россия Мудофаа вазирлиги матбуот котиби Игорь Конашенков.
Унинг қўшимча қилишича, Россия қуролли кучлари Украина ҳарбий объектларига ҳужум қилишда давом этмоқда.
Унга кўра, шу кунгача Украинанинг 1533 та ҳарбий объекти йўқ қилинган. Улар орасида Украина Қуролли кучларининг 54 та бошқарув ва алоқа пункти, 39 та С-300, Бук М-1 ва Оса зенит-ракета комплекслари, 52 та радар станциялари бор.
“Украинанинг 47 самолёти ерда, 13 таси ҳавода йўқ қилинди. Бундан ташқари, 484 та танк ва зирҳли техника, 63 та ракета мосламаси, 217 та дала артиллерия қуроли ва миномётлари, 336 та ҳарбий техника ва 47 та дрон йўқ қилинди. “2870 нафар украина аскари ҳалок бўлди, 3700 нафари яраланди, 572 нафари асирга олинди”.
Шуниндек, Украина томонининг 2-март ҳолатидаги маълумотида 5840 га яқин россиялик ҳарбий ҳалок бўлган.
