Малидаги гарнизонга уюштирилган теракт оқибатида 27 аскар ҳалок бўлди, 33 нафари яраланди.
Мали армиясидан берилган баёнотга кўра, мамлакатдаги Мондоро яқинидаги гарнизонда бомба ўрнатилган автомобиль билан нишонга олиниб портлатилган.
Ҳужум ортидан аскарлар билан террористлар ўртасидаги тўқнашувда 27 аскар ҳалок бўлди, 33 аскар яраланди.
7 нафар аскар бедарак йўқолган, 70 нафар террорист зарарсизлантирилган.
Мали президентлиги маълумотида айтилишича, уч кунлик миллий мотам эълон қилинган.