Россия: Хитойга газ Европа нархлари бўйича сотилади

 

газ  Россиянинг Хитойга сотадиган газининг ҳар минг кубометри нархи 350-380 доллар атрофида белгиланади. Бу ҳақда, «Газпром»даги манбага асосланиб, «Известия» нашри хабар тарқатмоқда.

 Владимир Путиннинг 20 май куни Хитойга амалга оширадиган ташрифи чоғида Хитой билан 30 йил муддатга  йилига 38 миллиард кубометр газ етказиб бериш бўйича шартнома имзоланиши мумкинлиги айтилмоқда.

Россиянинг Хитойга газни сезиларли чегирмалар қилиб берилиши ҳақидаги тахминларга қарамай, ёнилғининг якуний нархи «ўртача Европа нархи даражасида» бўлади. Бундан англанадики, Россия Хитой билан газ шартномасидан тахминан 400 миллиард доллар ишлайди.

«Газпром» раҳбари Алексей Миллер «фақат биргина рақамни келишиб олиши керак» – буни 19 май, яъни бугун Россия газ холдинги бошлиғи Хитойнинг CNPC компаниясидаги ҳамкасби билан муҳокама қилиши кутилмоқда. Манбанинг қайд этишича, келишув эҳтимоли жуда ҳам катта.

Европанинг Россия газига боғлиқликдан қутилиш ҳақидаги баёнотлари янграб турган вақтда, «Газпром» ўз ёқилғиларини бошқа йўналишлар бўйича йўналтира олишини намоён этмоқда.

Хитойга етказиб берилаётган газ ҳажми Европага экспорт қилинаётган ёқилғи ҳажми билан тенглашиб олиши хусусида «Газпром» раҳбари Алексей Миллер аввалроқ маълум қилганди.

Мулкдор хабар маркази

Бўлишинг:

Муҳаррир танлови

Фарғонада бир киши 15,3 минг долларга “кўршапалак уяси” сотиб олибди (соддалик қурсин, соддалик…)

Фарғонада кўршапалак уясини саратон касалига даво деб, 15 300 долларга сотиб, фирибгарлик қилган шахсга суд ҳукми билан 6 йил 6 ой муддатга озодликдан маҳрум қилиш жазоси ...

Нодир тўрақуловнинг қудасига қарашли «метан-заправка» сотилди

Миллий хавфсизлик хизмати собиқ ходими Нодир Тўрақулов ва унинг жиноий шериклари Ўзбекистон Республикаси Ҳарбий судининг ҳукми билан узоқ йилга жиноий жавобгарликка ...

Ўзбекистон:  chevrolet malibu’ни кредитга сотиш йўлга қўйилиши мумкин

     Ўзбекистон автомобиль саноатининг энг қиммат модели ҳисобланган ва салкам икки йил аввал сотувга чиқарилган Chevrolet Malibu автомобиллари иккиламчи бозорда сўнгги ...