Бошқа мавзуларОзарбайжон Арманистон билан муносабатларни нормаллаштиришни истайди ва тинчлик шартномасини имзолашга тайёр. Бу ҳақда Озарбайжон президенти Илҳом Алиев маълум қилди.
Бокуда Литва президенти Гитанас Науседа билан бўлиб ўтган учрашувда Алиев Озарбайжон томони душманлик тўлқинини бартараф қилиш ниятида эканини таъкидлади.
“Биз минтақадаги вазиятни, Озарбайжон ва Арманистон муносабатларини нормаллаштириш жараёнини муҳокама қилдик. Президент Озарбайжондан кейин Арманистонга боришини биламан. Ишончим комилки, ушбу ташрифдан кейин аниқ бир қарор қабул қилинади. Аммо бизнинг позициямиз аниқ. Биз Арманистон билан тинчлик шартномасини имзоламоқчимиз”, деди Алиев.
Аввалроқ Арманистон бош вазири Никол Пашинян мамлакат парламенти йиғилишида Озарбайжон билан тезроқ тинчлик шартномасини имзолаш ниятида эканлигини маълум қилган эди.
