Бошқа мавзуларЕвропа Иттифоқининг ташқи алоқалар ва ҳавфсизлик сиёсати бўйича раҳбари Жосеп Боррель халқаро савдода ғалла етишмаслигида Россияни айблади.
Боррелль ижтимоий тармоқ орқали берган баёнотида, Европа Иттифоқининг Россияга қарши санкцияларининг бу мамлакатнинг ҳарбий салоҳиятини заифлаштиришга қаратилганлигини, қишлоқ хўжалиги маҳсулотларини қамраб олмаганини таъкидлади.
Боррель: «Россиянинг Украина портларига давом этаётган блокадаси, маккажўхори ва буғдой каби тонналаб донни жаҳоннинг йирик ишлаб чиқарувчилардан бири бўлган Украинада қолишига сабаб бўлиб, уларнинг экспорт қилишига тўсқинлик қилмоқда. Халқаро дон савдосидаги тақчиллик учун бевосита Россия айбдор», – деди у.
Россиянинг (24-февралда бошланган) ҳужумларни тўхтатиш ўрнига жавобгарликни санкцияларга юклаганини таъкидлаган Боррель Кремлни ёлғон маълумот тарқатишда айблади.
Боррелль урушдан келиб чиқадиган муаммоларни ҳал қилиш учун дунёдаги барча давлатлар билан тўлиқ бирдамликда ҳаракат қилишларини билдирди.
