Россия бозорида “GM Uzbekistan” қўшма корхонасида ишлаб чиқарилган автомобилларга бўлган талаб шиддат билан пасайиб бормоқда. Европа бизнеси уюшмаси Автомобиль ишлаб чиқарувчилар қўмитаси маълумотига кўра, жорий йилнинг икки ойида ўзбек автомобиллари сотуви 56 фоизга камайган.
Ўтган йилнинг шу даврида Россияда 8254 дона “GM Uzbekistan” машиналари сотилган бўлса, 2015 йилда бу кўрсаткич 3654тани ташкил этди.
Биргина февраль ойида сотувлар 64 фоизга камайди. Бу йил февралда атиги 1639та автомобиль сотилган, ваҳоланки, ўтган йилнинг февралида россиялик харидорлар ўзбек автомобилларидан 4536тасини харид қилган эди.
Бу йил “GM Uzbekistan”нинг бирорта ҳам маҳсулоти Россияда энг кўп сотилган 25 автомобиль рўйхатига кира олмади.