Соғлиқни сақлаш тизимида жиддий ислоҳот зарур

Мамлакат Президенти Шавкат Мирзиёев Ӯзбекистонда соғлиқни сақлаш тизимида жиддий камчиликлар мавжудлигини тан олиб, соҳани ислоҳ қилиш даркорлигини илгари сурган эди ва бу борада ӯзгаришлар ясашни туғруқхоналардан бошлаб, у ерда гуллаб-яшнаган порахӯрлик ва бошқа иллатларни танқид остига олганди.

20 кун давомида, деярли ҳар куни эрталабдан то кечгача дастлаб Тошкент вилоят онкологик диспансерига, сӯнгра Республика онкология илмий марказига қатнайвериб-қатнайвериб англаганимиз шу бӯлдики, туғруқхоналардаги шифокорлару барча оқу кӯк халатли ходимларнинг  таъмагирлигию айёрона хатти-ҳаракатлари, “бер-бер”лари онкологик касалхоналар олдида ҳолва экан. Бу эса ҳар бир онгли одамни жиддий ташвишлантиради.

Гарчи Тошкент вилоят онкологик диспансери ва  Республика онкология илмий марказидаги ҳамма бӯлимларга барча турдаги хизматлар бепул эканлиги тӯғрисидаги маълумотномалар ҳар ким кӯра ва ӯқий оладиган жойларга катта ҳарфларда ёзилиб, осилиб қӯйилган бӯлса-да,  амалда бунга ҳеч ким, айниқса, шифокорлару тиббиёт ходимлари мутлақо риоя қилмаслигига, шифокорларнинг “бер-бери” ҳаддан ташқари кӯплигига, бу ҳам етмаганидек ҳамширалару техник ходимларнинг таъмаси бисёрлигига бевосита ва билвосита гувоҳ бӯлдик.

Ӯз вақтида “киссавурлар”га бизнинг қариндошимиз норезидент  бӯлгани учун барча тӯловларни кассага ҳатто 3 баравар қиммат нархда тӯлаганимизни билдирсакда,  уларнинг кассага тӯловимизни эътиборга олишни хоҳламасликлари, киссага қӯл суқишлари ҳар қандай кишининг асабини бузмай, кайфиятини туширмай, ғазабини келтирмай, нафратини уйғотмай қолмайди.

Хулласи калом, онкологик касалхоналарда врачлар, ҳамширалар, тех. персоналлар операциядан чиққан беморнинг қариндошларидан  қуйидагича миқдорлардаги суммаларни ундиришади ва ундиришга ҳаракат қилишади.

Наркоз бергани учун кӯк халатли шифокор 150 минг сӯмдан 300 минг сӯмгача пул талаб қилади. Қон учун: уч нафар донар қони суммаси, яъни 145-160 минг сӯм сӯралади, операцияда иштирок этган 3 нафар ҳамшира ва тех. персоналнинг ҳар бири 30-50 минг сӯмга туширади. Юқорида номлари тилга олинган “соғлик посбонлари”нинг ҳаммаси келтирилган суммаларни ундириш илинжида шахсан олдингизга келади. Демак, Сиз бизнинг бу суммаларни осмондан олиб ёзмаганимизга ишонч ҳосил қилдингиз. Ушбу суммаларни келтиришда биз худди ӯзимиз каби, таъбир жоиз бӯлса, жабрдийдалар фикрига ҳам қулоқ тутдик.   Бизнингча, бу ҳолат шунчаки аянчли эмас, катта фожеа ҳамдир. Давлат фожеаси, миллат фожеаси.

Юқоридаги ҳолатлардан шундай хулоса чиқариш мумкин: мамлакатда  коррупцияга, порахӯрликка қарши чора-тадбирлар жиддий йӯлга қӯйилмаган. Порахӯрлик, уюшган жиноятчилик илдизига узил-кесил болта урилмаган. Беморлар нафақат ижтимоий жиҳатдан, балки ихтиёрсиз равишда коррупция чангалига тушиб қолишдан ҳам ҳимояланмаган. Бу ҳолатга кескин турда чек қӯйиш керак. Айниқса, онкологик касалликка чалинган шахсларга, уларнинг қариндошларига жабр қилиш, зулм ӯтказишни тамоман бартараф этиш керак ва шарт. Шифокорларнинг ойлик маошини кескин ошириш лозим. Акс ҳолда Ӯзбекистонда оқ халатлилар дейилганда киши кӯз ӯнгида порахӯрлар гавдаланаверади, шифокорларга нисбатан ишонч ва ҳурмат ҳеч қачон тикланмайди.

Муаллиф:Рўзибой Азимий

Бўлишинг:

Муҳаррир танлови

Шаҳримизда таниш-билишчилик авж олган

Мен Бобожонова Гулхаё 2012 йилдан буён Фарғона шаҳридаги 18-сонли  Истиқлол МФЙда маслаҳатчи, 2016 йилдан буён раис лавозимида ишлаб келаман. Гарчи маҳалла раиси бўлиб ...

Бухородан ўқувчиларни олиб қайтаётган автобус йтҳга учраб, ёниб кетди

Бугун, 29 апрель куни тунги соат 02:00 ларда Ўрта Чирчиқ тумани ҳудудидан ўтувчи 4Р20 автомобиль йўлининг 6-километрида Бухоро шаҳридан зиёратдан қайтаётган, салонида 53 ...

Қудуқни ҳам рўйхатдан ўтказиш керак

Вазирлар Маҳкамасининг 2019 йил 14 август кунги қарори билан ер ости сувларига қудуқларни бурғулаш учун рухсатнома бериш бўйича давлат хизматларини кўрсатишнинг маъмурий ...