Ўзбекистонда ягона туристик виза жорий этилди

Ўзбекистон бир ой муддатга бериладиган ягона туристик визани жорий этиб, унинг қийматини 40 долларгача туширди. Бу ҳақда Туризмни ривожлантириш давлат қўмитаси хабар қилди.

Бу борадаги қарони президент Мирзиёев 4 декабрь куни имзолади. Туризмни ривожлантириш давлат қўмитаси матбуот хизматининг хабар қилишича, қарор 2018−2019 йилларда туризм соҳасини ривожлантириш бўйича биринчи навбатдаги чора-тадбирлар дастури ижроси доирасида қабул қилинди.

Якка тартибдаги хорижий сайёҳлар учун эндиликда 30 кун муддатга бериладиган ягона туристик виза амал қилинади. Аввал якка тартибдаги хорижий туристлар учун 30 кун муддатга бериладиган кириш туристик визаларини жорий қилинди. Илгари, қисқа муддатли 7 ёки 15 кунга туристик визаларини олган чет эл фуқаролари бирор бир сабабга кўра қайтиш рейсининг ушланиб қолиши оқибатида кўпчилик ҳолларда визани узайтириш муаммосига дуч келар эди.

Якка тартибдаги хорижий сайёҳлар учун кириш туристик визаларини расмийлаштириш нархи учдан бир қисмга — 60 АҚШ долларидан 40 долларга камайтирилди. Давлат туризм қўмитасининг қайд этишича, туристик визанинг юқори нархда бўлиши мамлакатга саёҳат қилиш учун қарор қабул қилишга тўсиқ бўлувчи омиллардан бири эди.

Бундан ташқари, туристик визани расмийлаштириш учун қуйи чегара икки баробарга 10 нафардан 5 нафарга камайтирилди. Хорижий мамлакатлардаги ташриф буюришни хоҳловчи сайёҳларга 10 кишилик гуруҳни йиғиш маълум қийинчиликларга олиб келарди, чунки гуруҳ аксарият ҳолларда 5 ёки ундан ортиқ кишидан ташкил топган оила аъзолари ёки яқин танишлардан шакллантирилар эди. Гурухлар учун виза нархи 15 кунга бир кишига 15 АКШ долларини, 30 кунга — 25 АКШ долларини ташкил этади.

Бўлишинг:

Муҳаррир танлови

Тошкентда 4 нафар ишчи бино конструкцияси қулаши оқибатида ҳалок бўлди

Жорий йилнинг 28 август куни соат 13:18да Тошкент ФВБ навбатчилик қисмининг берган бирламчи маълумотига кўра, Олмазор тумани Нурафшон кўчасида янги қурилаётган “Riviera” ...

Бутун дунёда паспорт гаров сифатида олинмайди, лекин ўзбекистонда мумкин

Мен Бердиалиева Умида Ҳасановна 2017 йилнинг ноябрь ойидан буён олдинги «Бирдамлик» Халқ демократик ҳаракати, ҳозирги «Бирдамлик» Халқ демократик партиясига аъзоман. Мен ҳам ...

Бир кунда банклар одамларга 15 млн $ сотди, 20 млн $ миқдорида хорижий валюта харид қилди

21 августдан Ўзбекистон банклари хорижий валютани нақд пулда сотишни бошлади. Маълум бўлишича, бир кун ичида аҳоли томонидан 15 млн доллардан зиёд валюта харид қилинган ...