Қирғизистондаги тӯртта пансионат Ӯзбекистонга қайтарилади

Жӯқӯрғу Кенгешнинг Иқтисодий ва фискал сиёсат бӯйича қӯмитаси бугун Иссиқкӯл соҳилида жойлашган тӯртта пансионатни Ӯзбекистонга қайтариш бӯйича битимни тасдиқлади.

Уни депутатларга вице-премьер министр Дайир Кенекеев билдириб, ҳужжат Сӯронбой Жээнбековнинг Ӯзбекистонга сафари арафасида тезкор қӯмитага киритилаётганини маълум қилди.

Вице-премьернинг таъкидлашича, ҳукумат масалани келишув орқали ҳал қилишни ният қилган: – Экс-президент Алмазбек Атамбоевнинг Ӯзбекистонга уюштирган расмий сафарида ушбу пансионатларга оид музокаралар бӯлиб ӯтган.

Қирғизистон бу оромгоҳларни ӯзига қайтариб олгандан кейин Ӯзбекистон АҚШдаги халқаро арбитажга шикоят билан чиққанини биласиз. Мазкур иш айни чоғда судда ӯрганилмоқда.

Қирғизистон ҳукумати масалани ҳуқуқий асосда тартибга солиш тарафдори.

Дайир Кенекеевнинг билдиришича, битим бӯйича пансионатлар жойлашган жой Қирғизистонга тегишлигича қолади.

Аммо пансионатлардан фойдаланиш ҳуқуқи Ӯзбекистон ихтиёрига берилади. Ӯзбекистон томон оромгоҳларни яқин йилларда уч-тӯрт юлдузли меҳмонхонага айлантириш мажбуриятини зиммаларига олган.

Бироқ пансионатларда 80 фоиз ишчилар қирғизистонликлар бӯлиши шарт. Иссиқкӯлдаги Ӯзбекистон фойдаланиб келган “Роҳат-НБУ”, “Олтин Қум”, “Дилором” ва “Бӯстон” пансионатлари ҳукуматнинг 2016 йил 4 апрелдаги буйруғи асосида Қирғизистон ихтиёрига ӯтказилган.

Ҳукуматнинг ушбу қарори Оқсуда Унғур-Товга боғлиқ мажоро пайдо бӯлган вақтга тӯғри келади.

Сӯронбой Жээнбеков 13-14 декабрда Ӯзбекистонга келади. Бу унинг Президент сифатида биринчи расмий сафари бӯлиб қолади.

Муаллиф: Рўзибой Азимий

Бўлишинг:

Муҳаррир танлови

Туркияда йил бошидан буён 70 нафарга яқин ўзбекистонлик ҳалок бўлди

Туркиянинг Истанбул ва Анқара шаҳарларида 2019 йилнинг январь—сентябрь ойларида турли сабаблар билан 70 га яқин Ўзбекистон фуқароси вафот этган. Бу ҳақда Ўзбекистоннинг ...

Мутахассислар огоҳлантиради: кириб келаётган қиш сўнгги 100 йилликдаги энг совуғи бўлади!

Мутахассислар кириб келаётган қишни сўнгги 100 йилликдаги энг совуғи бўлади, дея тахмин қилишмоқда. Бутун дунёда шундай ҳолат кузатилиши кутилмоқда. Европаликлар башоратларга ...

Сурхондарёда 119 ёшли ихвол гапаровага биометрик паспорт берилди

Қумқўрғон тумани ”Жозиба” маҳалласида яшовчи 119 ёшли Ихвол Гапаровага янги биометрик паспорт берилди.  Бу ҳақда «Халқ сўзи» нашри ёзмоқда. Фото: «Халқ сўзи» 1900 йилда ...