Бошқа мавзулар
Қозоғистон банклари Ўзбекистонда шўъба тузилмаларини очиш имкониятига эга бўлди. Бу борадаги Келишув 10 июль куни Қозоғистон Миллий банки ва Ўзбекистон Марказий банки томонидан имзоланди.
«Биз банк назорати соҳасида ахборот алмашинуви тўғрисидаги Келишувни имзоладик, бу Қозоғистон банкларининг Ўзбекистонда шўъба банкларини очиш имконини беради», – деди Қозоғистон Миллий банки раиси Данияр Акишев журналистлар учун ўтказган брифингида. Унинг сўзларига қараганда, Қозоғистон банкларига “қўшни мамлакатда ишлаш қизиқарли”, чунки у ерда “катта бозор мавжуд, аҳолиси кўп, молиявий имкониятлар бор”.
Ўтган йилнинг сентябрь ойида Ўзбекистон расмийлари баёнот бериб, сўмнинг Америка долларига нисбатан курсини ушлаб туришдан воз кечиб валютани мувоффиқлаштиришни либераллаштириш режаси ва хорижий валютани жисмоний ва юридик шахсларга сотишдаги чекловларни олиб ташлашлари ҳақида маълум қилган эди.
Ўзбекистон ҳукуматининг фармойишига кўра, миллий валютанинг долларга нисбатан курсини бозор механизмлари белгилайди. Сўмни долларга нисбатан курси мустақил Ўзбекистоннинг биринчи президенти Ислом Каримов даврида белгиланарди, бу ўз навбатида қора бозорда доллар курсини расмий ўрнатилган курсдан юқори бўлишига олиб келди (бугунги кунда расмий доллар курси – 7 846,27 сўмни ташкил қилади).
