Қозоғистон мамлакатга келган Россия фуқаролари сони ортганини билдирмоқда

Қозоғистон Ички ишлар вазирлиги мамлакатга келган россияликлар сони ортганини маълум қилди.

Уларнинг кўпчилиги вақтинчалик яшаш учун рухсатнома сўраб мурожаат қилган, деди ички ишлар вазири ўринбосари Марат Қўжаев. Унинг қўшимча қилишича, миграция жараёнлари назорат қилинмоқда.

Парламентда сўзлаган вазир ўринбосарининг айтишича, ўтган чоракда 350-400 та ариза келиб тушган бўлса, ҳозирда 1055 нафар Россия фуқароси вақтинчалик яшаш учун рухсатнома сўраб мурожаат қилган.

ИИВ маълумотларига кўра, 1-январдан буён Қозоғистонга 457 минг хорижлик келган, уларнинг аксарияти Ўзбекистон ва Россия фуқаролари. Кўжаевнинг таъкидлашича, 24-февралдан 11-апрелгача 130 минг россиялик кириб келган ва 120 мингдан ортиқ киши чиқиб кетган, бу ўтган йилга қиёслаганда икки баравар кўп, шунингдек пандемия даврида чегаралар ёпиқ бўлгани белгиланди.

“Ҳозирда Қозоғистонда 130 минг россиялик бўлса, йил бошидан буён 170 нафар россиялик ва 7 нафар украиналик фуқаролик сўраб мурожаат қилган, ўтган йилдаги рақамлар ҳам деярли мана шундай бўлган эди”, — дея вазир ўринбосари аниқлик киритди.

Москва Украинага бостириб кирган 24-февралдан бери ўн минглаб россияликлар мамлакатни тарк этган. ОАВ уларнинг баъзилари келажакни ўйлаб, уларни уруш кетаётган давлат билан боғланишни истамаслигини, бошқалари эса иқтисодий инқироздан қочишни афзал кўришини ёзмоқда.

Бўлишинг:

Муҳаррир танлови

Украинада  ўлдирилган тўрт нафар тожикнинг жасади ватанига етказилди

Россия қуролли кучлари сафида Украинадаги жангларда қатнашиб, ҳалок бўлган тўрт нафар Тожикистон фуқаросининг жасади ватанига қайтарилди. 50 ёшли Саидакбар Саидов ўзи туғилиб ...

Полиция москвага кириш йўлларини назорат остига олди

Кейинги суткада Россияда ушбу касалликка чалиниш билан боғлиқ 1667 та ҳолат қайд этилди, жами ҳолатлар сони 13,5 мингдан ошди, 100дан ортиқ киши вафот этди. Энг кўп бемор ...

Боррель россияни айблади

Европа Иттифоқининг ташқи алоқалар ва ҳавфсизлик сиёсати бўйича раҳбари Жосеп Боррель халқаро савдода ғалла етишмаслигида Россияни айблади. Боррелль ижтимоий тармоқ орқали ...