Бошқа мавзуларОстона шаҳар маъмурияти ҳизмат машинасидан воз кечиб, такси ҳизматидан фойдалианишни бошлашди. Амалдорларнинг айтишларича, бу йўл билан ҳокимият вакиллари солиқ тўловчи халқнинг маблағини тежашмоқчи: муниципалитет йилда янги автомобил сотиб олишни тўхтатмоқчи, аввал сотиб олинган 60 дан ошиқ автомобилни мактаб ва шифохоналарга беради.
Остона ҳокимининг биринчи ўринбосари Сергей Хорошун сентябрдан буён такси ҳизматидан фойдаланмоқда. Таксичи ўзгача қора тусда ва фақат уни ишга олиб келади. Бошқа амалдорларнинг таксилари оддий ва оқ рангда.
Ҳайдовчиларнинг айтишича, давлат ҳизматчилари кунига ўртача тўрт маротаба таксидан фойдаланишади. Амалдорларнинг ҳисобида беш йилда улар 600 миллион тангани тежашади.
Шаҳар аҳолиси бўлса амалдорларнинг такси билан эмас автобус билан юришса, халқнинг яшаш шароитини ҳақиқатда англашарди, -дейишмоқда.
Остонанинг янги ҳокими Бахит Султанов кўпдан буён транспорт воситаларидан фойдаланмаслигини айтмоқда.
“Мен аввал ҳам тонгда ишга пиёда борардим. Ҳозир айланиб ўтишга тўғри келмоқда, бироқ менинг иш жойим уйимдан олис эмас. Бу фойдали, кўчаларда юриб камчиликларга назар ташлаб, қўл остимдагиларга тегишли топшириқларни бериб тураман», – дейди Остана ҳокими Бахит Султанов.
Ҳокимият маъмуриятининг билдиришича, ҳокимият вакилларри эконом-классдаги таксиларнигина чақира олишади, сабаби уларга маблағни тежаш учун чекловлар қўйилган. Агар амалдорлар бул чеклов чизиғидан чиқиб кетса, пиёда юришига тўғри келади.
Нодира Жабборова
