Бошқа мавзуларПеру президенти Мартин Вискарра мамлакатдан коррупцияда гумон қилинаётган, олий суднинг собиқ судьяси Сесар Иностроса қочганидан кейин мамлакат ички ишлар вазири Мауро Мединанинг истеъфосини қабул қилди, дея ёзмоқда “Кун.Уз” нашри.
“Бўлиб ўтган воқеаларнинг жиддийлигини ҳисобга олиб, мен ички ишлар вазири истеъфосини қабул қилишга қарор қилдим. Биз коррупцияга қарши курашимизда тўхтамаймиз”, деб ёзган Перу президенти твиттердаги саҳифасида.
Иностроса октябрь бошида олий судда жиноий коррупциявий тўдани ташкил этгани гумони билан парламент томонидан ўз лавозимидан олинган. У ҳозир Испанияда бўлиб, Перу унинг топширилишига умид қилмоқда.
