Туркманистондаги муллалар ҳайит намозида собиқ президент Гурбангули Бердимуҳамедовнинг “Ҳаётимнинг мазмуни” номли янги китобини минбарда ўқиб чиқди.
«Туркманистон хроникалари» нашрининг маълумотига кўра, бу ҳақдаги репортажни давлатга қарашли ТДХ агентлиги кўрсатган.
“Ҳаётимнинг мазмуни” – Гурбангули Бердимуҳамедовнинг янги китоби. ТДХ бу “Улуғ фалсафий ва адабий асар туркман халқига минг йиллар давомида авлоддан-авлодга ўтиб келаётган ҳикмат ва миллий маънавий қадриятларнинг чўққиси”, эканини айтган. Китобнинг тақдимоти 29-апрелда президент Сердар Бердимуҳамедов томонидан ўтказилган.
Собиқ президент Гурбангули Бердимуҳамедов 15 йиллик бошқаруви давомида 60 дан ортиқ китоб ёзган. Унинг китобларида йилқичилик, итчилик, туркман урф-одатлари, гиламчилик, чойчилик, доривор гиёҳлар каби турли мавзуларни ўз ичига олади.