2018 йил 20 ноябрь куни Бердах Сапаров Қўнғирот тумани ҳокими этиб тайинланди. Бу ҳақда Қорақалпоғистон Вазирлар Кенгаши ахборот хизмати раҳбари Чоржав Элмуратов “Turon24” нашрига хабар берди.
Маълумотда айтилишича, Бердах Сапаров шу вақтгача Хоразм вилояти ҳокимлигининг иқтисодиёт ва тадбиркорлик масалалари бўйича котибияти мудири лавозимида ишлаб келган.
2016 йилнинг октябрь ойидан буён Қўнғирот тумани ҳокими сифатида ишлаб келаётган Шарапрашид Темирбаев фаолиятини ички ишлар тизимида давом эттириши айтилмоқда.
Эслатиб ўтамиз, 20 ноябрь куни Тўрткўл туманига ҳам янги ҳоким тайинланган эди.