Бошқа мавзулар25 ёшли Ўзбекистон фуқароси 27 ноябрь куни Москва метросининг Сокольники линиясидаги «Юго-Западная» станциясида поезд остига тушиб кетиб, олган жароҳатлари туфайли вафот этди. Бу ҳақда «Газета.uz» нашри РИА Новостига таяниб хабар бермоқда.
Эркак кириб келаётган электропоезд остига йиқилиб тушган. Машинист дарҳол тормоз берган, бироқ поезд инерция таъсирида ҳаракатда давом этиб, йўловчига бориб урилган.
Москва метросининг ички ишлар бўлими матбуот котиби Алексей Мишляевнинг сўзларига кўра, марҳумнинг жасадини олиш учун электр токини узишга тўғри келган. Тез тиббий ёрдам гуруҳи йўловчи поезд уриши оқибатида вафот этганини қайд этган.
Полиция гувоҳлар ва электропоезд машинистини сўроқ қилиб, кузатув камераларидаги ёзувларни ўрганмоқда.
