Бошқа мавзулар6 июнь куни Парижда Африка Футбол Конфедерацияси (CAF) раҳбари ва ФИФА вице-президенти Аҳмад Аҳмад ҳибсга олинди. Бу ҳақда «Трибуна.уз» сайти ёзмоқда.
Lesiteinfo хабарига кўра, мулозим ФИФА конгрессида иштирок этиш учун Францияга келганида полиция томонидан ушланган.
Мадагаскарлик Аҳмад коррупцияда гумонланмоқда. Аввалроқ, CAF экипировка етказиб берувчи Puma компанияси билан тузилган шартномани бекор қилган эди. Прокуратура фикрига кўра, ташкилот бу жараёнда бир қанча қоидаларни бузган. Кейинчалик CAF Франциянинг Tactical Steel компанияси билан шартнома имзолади.
Аҳмад Аҳмад 2017 йил март ойидан бери CAF раҳбари сифатида ишлаб келмоқда.
