Профессионал бокснинг супер енгил (-63,5 кг) вазн тоифасида рингга чиқаётган ўзбекистонлик Шоҳжаҳон Эргашев (17-0, 15 КО) ўзининг навбатдаги жангини ўтказди.
АҚШда бўлиб ўтган жангда Эргашевга мексикалик Абдиел Рамирес (24-5-1, 22 КО) рақиблик қилди. 10 раундга мўлжалланган жанг муддатидан олдин, 4 раундда якунига етди. Шоҳжаҳон томонидан берилган кетма-кет зарбалардан кейин ҳакам жангни тўхтатди ва техник нокаут қайд этди.
Шу тариқа Шоҳжаҳон Эргашев проф-боксдаги 17-ғалабасини тантана қилди.