Бошқа мавзуларГондураснинг собиқ президенти Хуан Орландо Эрнандес полиция томонидан ҳибсга олинди. Собиқ президент гиёҳванд моддалар ва кокаин савдосида айбланмоқда.
Маълумотларга кўра, Эрнандес ўз мансабидан фойдаланиб, жиноий гуруҳларга Колумбия ва Венесуеладан АҚШга 500 тонна наркотик моддаларни олиб ўтишда ёрдам берган. Шу сабабли АҚШ ҳукумати уни экстрадиция қилишни сўраган. Аммо Эрнандеснинг ўзи бу айбловларни рад этиб, судга ёрдам беришга тайёрлигини айтди.
Эслатиб ўтамиз, Хуан Орландо Эрнандес январь ойида президентлик муддатини якунлаган эди.
