Бошқа мавзуларҲиндистонда 12 вагонли йўловчи поезди релсдан чиқиб кетиши оқибатида камида тўққиз киши ҳалок бўлди, 70 дан ортиқ киши жароҳатланди. Бу ҳақда Ҳиндистоннинг Шимолий-Шарқий чегара темир йўли бош директори Аншул Гупта маълум қилди, дея хабар беради “ News-18” ахборот агентлиги.
Поезд ҳалокати бир кун аввал Ғарбий Бенгалия штатида содир бўлган. Номаълум сабабларга кўра поезднинг 12 вагони релсдан чиқиб кетган, иккита вагон ағдарилиб кетган.
Маълумотларга кўра, ҳозирда қутқарув операцияси якунланиб, тергов ҳаракатлари олиб борилмоқда. Ҳодиса вақтида поездда 1053 нафар йўловчи бўлган.
Аввалроқ Ҳиндистон темир йўл вазири мамлакат раҳбарияти ҳалок бўлганларнинг оилаларига 500 минг рупий, оғир жароҳатланганларга 100 минг рупий ва енгил жароҳатланганларга 25 минг рупий тўлашини айтган.
