Бирлашган Миллатлар Ташкилотининг билдиришича, январь ойида Яманда 234 киши ўлдирилган.
Бирлашган Миллатлар Ташкилотининг Гуманитар масалаларни мувофиқлаштириш бошқармаси Ямандаги можароларда ҳалок бўлганлар сони ҳақидаги ҳисоботини эълон қилди.
Ҳисоботда, январь ойида Яманда 234 киши ўлдирилганини ва уч йилдан буёнги жанглардаги энг кўп қурбонлар бўлаётгани айтилди.
Ҳисоботда, Ямандаги можаро давом этиши ва вазиятнинг 2021-йилнинг сўнгги чорагидан 2022-йилгача оғирлашиши натижасида кўплаб инсонлар ҳалок бўлгани билдирилди. Ҳисоботда, шунингдек, 2021-йилда кунига ўртача 7 киши, жами 769 киши ҳалок бўлгани ва 1739 киши жароҳатлангани айтилган.
Яманда ҳусийлар ва ҳукумат тарафдорлари ўртасидаги тўқнашувлар давом этмоқда.
Ҳусийлар 2014-йилнинг сентабридан буён пойтахт Сана ва минтақанинг бир қисмини назорат остига олган бўлса, Саудия Арабистони бошчилигидаги коалиция кучлари 2015-йилнинг март ойидан бери ҳусийларга қарши Яман ҳукуматини қўллаб-қувватлаб келмоқда.