Чилидаги ресторанлар ва дўконларда бир марталик пластик идишлар энди сотилмайди.
Тегишли қонун февраль ойидан мамлакатда кучга кирди. Асосан, бир марталик идишни одам бир неча дақиқа давомида ишлатиши мумкин. Мутахассисларнинг айтишича, бу атроф-муҳитга жуда зарарли. Дарҳақиқат, маҳаллий ҳокимият органлари томонидан ушбу қонуннинг қабул қилиниши беҳуда эмас. Сабаби 2018-йилда ўтказилган тадқиқотга кўра, Чили пластик чиқиндилар бўйича Лотин Америкаси давлатлари орасида иккинчи ўринда туради. Биринчи ўринда – Мексика.
Марсело Фернандес, Чилининг атроф-муҳитини муҳофаза қилиш вазири ўринбосари:
– Ушбу қонун лойиҳаси билан пластик чиқиндилар миқдорини йилига 23 тоннагача камайтиришни режалаштирганмиз. Бу атроф-муҳит ифлосланишини камайтиришда муҳим ютуқ бўлади.