Эрон президенти Иброҳим Раиси мамлакатнинг қуролли кучларининг 18-апрелдаги йиллик ҳарбий парадида Исроилни огоҳлантирди. Агар Исроил Эронга қарши қандайдир бир ҳарақат қилса, Ислом Республикаси қуролли кучлари мамлакатни нишонга олиши ҳақида огоҳлантирди.
Аммо экстремал консерватив сифатида танилган президент Эрон қандай чора кўришига аниқлик киритмади. Фақатгина расмий Теҳрон Исроилнинг ҳаракатларини “яқиндан кузатаётганини” таъкидлади.
Эрон 1979 йилги ислом инқилобидан бери Исроил мустақиллигини тан олмайди ва Исроилга қарши бўлган Хамас ва Ҳизбуллоҳ каби жангари гуруҳларни қўллаб-қувватлайди. Теҳрон Исроилни Эрон ядровий иншоотларини саботаж қилиш ва ядровий олимларни ўлдиришда айблаб келади.
Исроил Теҳрон ядровий дастурини чеклашга қаратилган халқаро келишувга қарши чиққан. Исроил ҳукумати ҳеч қандай келишувга риоя қилмаслигини ва Эрон ядровий иншоотларига қарши бир томонлама чора кўриши мумкинлиги ҳақида огоҳлантириб келади.
Теҳрон ва дунёнинг олтита қудратли давлати 2015-йилги ядровий келишувни жонлантиришга ҳаракат қилмоқда. Бироқ сўнгги ҳафталарда Венадаги музокаралар тўхтаб қолди.
2018-йилда АҚШнинг ўша пайтдаги президенти Дональд Трамп маъмурияти келишувдан чиқиб, Эронга қарши санкцияларни қайта тиклаган эди. Бунга жавобан Эрон ядровий дастурини сезиларли даражада кенгайтирган.