Бошқа мавзуларУкраина Россия билан 10 йил кураша оладиган даражада кучли. Бу ҳақда Владимир Зеленский CNN телеканалига берган интервьюсида айтиб ўтди.
«Биз ўзимизникини қайтариб олиш учун Россия билан ўнлаб йиллар курашишимиз мумкин. Биз шу йўлдан бора оламиз. Биз ҳудудимизни бермаймиз, лекин Россия билан келишувга эришишимиз керак бўлса, улар бунга рози бўлса, биз тайёрмиз», — деди Зеленский.
Музокаралар Россия қўйган «талабларнинг ғалаба қозониши билан” якунланмаслиги кераклигини, келишув қанчалик тез тугаса, йўқотишлар шунчалик кам бўлишини билдирди. У, шунингдек, Ғарбни Киевга қурол етказиб беришни кўпайтиришга чақирди.
Эслатиб ўтамиз, аввалроқ Зеленский Украина Шимолий Атлантика Шартномаси Ташкилотига (НАТО) қўшилишдан бош тортишини ва Қрим мақомини Россия махсус операцияси якунланганидан кейингина муҳокама қилишга тайёрлигини айтган эди.
Зеленский томонлар баъзи масалаларда келиша олмаганини айтди. Унга кўра, Москва Донбасс ва Қрим мустақиллигини тан олишни талаб қилмоқда, бироқ Украина бунга кескин қарши.
