Германиянинг Siemens корпорацияси Украинадаги уруш туфайли Россияни тарк этишини маълум қилди. Компания матбуот хизмати ишлаб чиқариш ва бошқа фаолиятни тўхтатиш бўйича ишлар бошланганини маълум қилди. Аввалроқ Siemens ўз маҳсулотларини Россия ва Беларус бозорларига етказиб беришни тўхтатишга қарор қилган эди.
“Биз урушни қоралаймиз ва Россияда ишлаб чиқаришни тўхтатишга қарор қилдик. Бу осон қарор бўлгани йўқ. Биз ходимларимиз ҳақида қайғуришимиз керак, 170 йилдан бери ишлаб келаётган бозорда ўз мижозларимиз бор”, – дейди компаниянинг президенти Роланд Буш.
Электроника ва маиший техникадан ташқари Siemens Россия компанияси билан электр поездлари ва юк поездларини ишлаб чиқариш ва таъмирлаш бўйича ҳамкорлик қилиб келган.