Бошқа мавзуларРоссия Украинага бостириб кирган уч ой оралиғида YouTube 9000 дан ортиқ канални ёпди. Шунингдек, 70 000 дан ортиқ видеони жанглар ҳақидаги нотўғри маълумотлари борлиги сабабли юклашни тақиқлаган. Бу ҳақда The Guardian нашри хабар берди.
Унда айтилишича, Россия Ташқи ишлар вазирлиги ва Мудофаа вазирлигига алоқадор каналларга урушни “қутқарув миссияси” сифатида тасвирловчи видеоларни юклаш вақтинча тақиқланган. Ҳукуматпараст журналистлар ва телеканаллар ҳам ёпилган.
YouTubeга Россиядан 90 миллионга яқин одам қайд қилинган. Мамлакатнинг рақамли ривожлантириш вазири Мақсут Шадаев платформа ёпилмаслигини билдирган. Аммо айни пайтда Москва Google жумладан YouTubeга ҳам тақиқланган маълумотларни чоп этгани учун катта миқдорда жарима солмоқда.
