“Ўзавтойўл” компанияси бошқарув раиси Абдураҳмон Абдувалиев Жаҳон банки ваколатхонасининг транспорт бўйича мутахассиси Мустафо Бенмаамар билан бўлган учрашув чоғида Жаҳон банкининг Ўзбекистондаги маҳаллий аҳамиятга эга бўлган умумий фойдаланиш автомобиль йўлларини тўлиқ таъмирдан чиқариш лойиҳаси бўйича масалаларни муҳокама қилди.
“Ўзавтойўл” ДАК матбуот хизматининг хабар беришича, Жаҳон банкининг лойиҳаси бўйича биринчи босқичда Тошкент вилоятидаги умумфойдаланиш автомобиль йўлларининг умумий узунлиги 158 км бўлган 20 та жойида капитал таъмирлаш ишларини амалга ошириш учун кредит маблағлари ажратилиши кўзда тутилган.
Иккинчи босқичда Андижон, Наманган ва Фарғона вилоятларидаги умумфойдаланиш автомобиль йўлларининг таъмирланиши учун маблағ ажратилади.