“Лицейимизда доим пул йиғилади, буфетимиз антисанитария ҳолатда ва давоматимиз паст”

“Тошкент Молия институти қошидаги 2-сонли академик лицейнинг нуфузи кундан-кунга тушиб бормоқда. Ҳудудни тозалашни баҳона қилиб, ўқитувчилар ва ўқувчилардан доим пул йиғилади. Боғбон штати бўла туриб, боғбонликка одам олмайди. Яқинда директор бир гуруҳ ўқитувчиларни (айримлари онаси тенги келадиганларни) ҳақорат қилиб, “молга ўхшаб¸ чой ичиб ўтирибсанлар” деб айтди.

Буфет антисанитария ҳолатда, фаст-фуд маҳсулотлари сотилади, сотувчилар оқ халат ва бошларига кийим кийишмайди. Бунга директор “кўз юмади” ¸ чунки унинг “оғзи мойланади”. Ўқувчилар давомати 80-85 % атрофида. Соат 8:30 да қўнғироқ чалинса-да¸ дарсга ўқувчилар кирмайди, кечикиб келувчилар ҳам жуда кўпчиликни ташкил этади. Турғун келмайдиган ва мунтазам дарс қолдираётган, профилактик ҳисобда туриши лозим бўлган ўқувчилар мавжуд.

Аммо раҳбарият буни ИИБ ходимларидан яширадими ёки нима қилади, билмайман…”

https://www.ozodlik.org/a/sizdan-telegram-licey/28597822.html