Алматовнинг қайтиши. МХХ кучсизландими?

Зокиржон Алматов (ўнгдан учинчи) Ислом Каримов қабри бошида

ИИВда собиқ вазир Зокиржон Алматов учун янги лавозим жорий қилинди.

68 ёшли Алматов ИИВ раҳбарига маслаҳатчи этиб тайинланди.

Алматовнинг қайтиши Мирзиёев МХХ таъсирини камайтиришга уринаётган паллага тўғри келди.

Каримов даврида МХХ энг қудратли ва ҳамма қўрқадиган идорага айланганди.

Алматов раҳбарлигида (1991-2005) ИИВ МХХга рақиб идора сифатида кўрилган.

Рақобат ҳар икки идорани тийиб тургани айтилади.

2005 декабрида Алматов истеъфога кетказилишидан сўнг МХХнинг таъсири кучая бошлади.

Амалда МХХ чексиз ваколатларга эга бўлди.

Мирзиёев шу йил январда МХХга қарши очиқ кампания бошлади ва унинг ветеран раҳбари генерал Рустам Иноятовни ишдан бўшатди. МХХнинг қатор юқори мулозимлари ҳибсга олинди.

Бир қатор ваколат ва махсус кучлар МХХ ихтиёридан олиб қўйилди.

Аммо Алматовнинг қайтарилиши Президент Мирзиёев томонидан қўйилган зиддиятли қадамдир.

Алматов МХХга чексиз ваколатлар берган марҳум президент Каримовга энг содиқ мулозимлардан бўлган.

Каримовнинг репрессив сиёсатини амалда тадбиқ қилганлардан бири ҳам Зокиржон Алматовдир.

Аммо Алматовнинг қайтиши ИИВнинг обрўсини тиклаш йўлидаги рамзий қадам ҳам бўлиши мумкин.

Манба: bbc сайти

Бўлишинг:

Муҳаррир танлови

Ўзбекистон республикаси олий судига чўян охмановичдан шикоятнома

Ўзбекистон Республикаси Олий судига Қашқадарё вилояти Косон тумани Оброн қишлоғида яшовчи фуқаро Маматқулов Чўян Охманович томонидан Жиноят ишлари бўйича Қашқадарё вилоят ...

Яна ҳалокат, яна миллатдошларимиз

25 февраль куни Тошкент вақти билан кеч соат 19:40 чамасида, 35 нафар ӯзбекистонлик фуқаролар минган автобус ағдарилиб кетган. Бу каби фожиали воқеа бир йилнинг ўзида ...

Суд ҳукмига қарамай мактаб директори вазифасида қолаётган аёл эрини пичоқлаганликда гумонланмоқда

Қўқон шаҳридаги 33-умумтаълим мактаби директори Шоира Муратова 2 июнь куни кечаси эри Рустам Муратовни пичоқлаганликда гумонланмоқда. Қўқон шаҳар ички ишлар бўлимининг исми ...