“Хушхабарлар кўпаяверсин!” деймиз …

Кеча  Аъзам ака Турғунов  қўнғироқ қилди. Кунда бир неча марта телефон орқали бўлса-да, ҳол-аҳвол сўраб туради бу Инсон.

-Бошқалар билмаса ҳам мен биламан-ку ҳолатингизни,- дейди доим Аъзам ака.

Гўшакни кўтариб, одатимга кўра  ҳар галгидек салом бердим. Ака алик олгач, гапни суюнчидан бошладилар: Бобомурод АБДУЛЛАЕВ озодликка чиққани билан табрикладилар. Албатта, жуда-жуда қувондим. Шундай бўлиши керак эди! Аллоҳга шукрки, У кунлар ўтиб кетди, “дело” йиғилса қамайвериладиган!

Бугун – 8 май куни эса, Аъзам Фармонов телефон қилди. Салом-аликдан кейин:

-Ака, суюнчилик гап –Жамшид ака ПАСПОРТини олди!- деди худди Жамшид КАРИМОВ эмас, ўзи паспорт олгандек хурсанд оҳангда.

Аслида бир кун аввал Бобомурод билан бирга ҳаммамиз қайтадан озодликка чиққандек бўлганимиз чин! Жамшиднинг асосий ҳужжат масаласи ижобий ҳал этилиши ҳам худди ҳаммамизнинг бир муҳим ишимиз битганига тенг!

Айнан Жамшиднинг ҳужжатлар билан боғлиқ масала бўйича Аъзам Фармонов жуда кўп, эринмасдан Тошкентга қатнади. Кўришганимизда ўзига айтгандим:

-Ҳар нарсанинг ўз ҳикмати бор, шу масала боисидан кўришиб, анча гапларни бафуржа гаплашиб олдик. Агар Жамшиднинг ҳужжатлари бўйича юрмаганингизда, қачон учрашардик. Яхши Одамларнинг ташвиши ҳам хайрли бўлади!

Аъзам ака ҳам, Аъзам Фармонов ҳам хушхабарларидан кейин:

-Ўзингизда нима гаплар, энг муҳими, соғлик қандай?- деган саволга ўтишди.

Бу-ҳар гал сўраладиган жиҳат! Мен ҳам “ўзимдаги гаплар”ни -“Ташаббус гуруҳи” номидан Олий Мажлис Қонунчилик Палатасига АРИЗА (мурожаат) тайёрлаб, танишиб чиқишлари учун ҳар иккисининг ҳам электрон қутиларига жўнатганимни айтдим. Бу – бугунги телефонлашувимиздаги гаплар!

Кеча – 7 май куни эрталаб Аъзам ака Турғунов билан Ўзбек матбуотчилари кўчасига ҳам бориб келгандик. Худди “Қароқчи чоллар” фильмидаги каби бизлар ҳам ёш ўтинқираганда ўз ҳуқуқимизни ҳимоялашда айрим масалаларни ҳал қилиб юрибмизда, хуллас…

Нима бўлганда ҳам ХУШХАБАРЛАР КЎПАЯВЕРСИН, йиллар давомида хушхабар биз учун жуда-жуда тансиқ ва ўта камёб бўлиб кетганди. Нафақат биз учун…

 Дилмурод Саййид,

Тошкент шаҳри, 8 май 2018 йил

Бўлишинг:

Муҳаррир танлови

Бухорода насриддин афанди ҳайкалининг бошига чиқиб олган йигит кечирим сўради

2019 йил 21 июнь куни “Телеграм” ижтимоий тармоғидаги “Нетипичная Бухара”, “Подслушано в Бухаре”, “Кулгу” каналларда номаълум шахснинг Бухоронинг эски шаҳар ҳудудида ...

Ўзбек тадбиркорини очофат мххчилар, ебтўймас солиқчилар, кўзи оч божхоначию милициялар хароб қилди

Сурат иллюстратив Кеча Қозоғистондан меҳмонга келган жиянимни кузатиш мақсадида Ўзбекистондаги асосий чегара пунктларидан бири бўлмиш "Ғишткўприк" божхона пунктига бордим. ...

Чегарачилар ҳазиллашмоқда: тожикистонлик журналистнинг ўзбекистонга сафари таассуротлари

Ўзбекистон ва Тожикистон ўртасида борди-келдилар осонлаштирилгани, виза тартиби бекор қилинганига қирқ кун бўлиб қолди. Лекин ҳалигача ҳар икки мамлакатда яшаётган жуда катта ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400