Пайариқдаги бу бино омборхона эмас. Унда 35 нафар ўқувчи таҳсил олади (фото)

Пайариқ туманидаги 34-умумтаълим мактаби филиалини илк бор кўрган киши омборхона билан адаштириши аниқ. Бу ҳақда «Зарафшон» ҳикоя қилмоқда.

Фото: «Зарафшон»

Салкам 18 йил аввал бунёд этилган ушбу таълим маскани бугун ўз ҳолига ташлаб қўйилган. Мактаб директори Алишер Раимқулов бунга шундай изоҳ беради:

— Филиалимизда Шамолли, Тоғқишлоқ ва Муллаовул қишлоқларидан келган 35 нафар ўқувчи таълим олади. Уларга 6 нафар ўқитувчи бириктирилган. Бир вақтнинг ўзида 1-3-синф ўқувчиларига битта синфда, 2-4-синф ўқувчиларига эса алоҳида синфда дарс ўтилади. Ушбу бинони таъмирлаш учун туман халқ таълими бўлимига мактабнинг фотосуратлари ҳамда далолатнома билан мурожаат қилганмиз.

Фото: «Зарафшон»

Мактаб деворининг нураб қолганини кўрган киши борки, бинога киришга иккиланади. Кириш эшигига қулф ҳам ўрнатилмаган. Дарвоқе, деразаларнинг ойнаси бўлмагач, қулфга на ҳожат?

Фото: «Зарафшон»

Бинога кириб шифтда янтоқ ва хас-хашакларнинг осилиб турганини кўриб, «Бу ердан илон чиқиб қолса-я», деган ўй билан вужудингизни совуқ тер босади. Ёш болаларнинг жонига тўзим берсин, дейсиз ногоҳ. Бинодаги иккита хона амал-тақал қилиб таъмирланган. Парталар буткул яроқсиз аҳволда.

Фото: «Зарафшон»

Синф хоналардаги чиқиндиларнинг уюлиб кетгани ойлар давомида тозаланмаганидан дарак.

Фото: «Зарафшон»

Тасаввур қилинг, ёмғир ёғса ёки Шамоллида шамол, тўзон турса, ўқувчилар қай аҳволда қолади.

Фото: «Зарафшон»

Қишда хоналарни иситиш масаласини гапирмаса ҳам бўлади. Болалар учун спорт майдончаси ҳам йўқ.

Фото: «Зарафшон»

Наҳотки, туман ҳокимлиги, халқ таълими бўлими муаммонинг ечими билан қизиқмаса?

Манба: daryo.uz

Бўлишинг:

Муҳаррир танлови

Москвада ўзбекистонликлар муштлашди, 2 қурбон бор

Бугун Москва шаҳрининг жануби-шарқий қисмида 10 киши иштирокида муштлашув бўлган, уларнинг барчаси Ўзбекистон фуқаролари экани айтилмоқда, деб ёзади телеграмдаги Zed News ...

Саждадан қутилишми ёки айтмасдан илож йўқми?

22 декабрда Республика Бош вазири Абдулла Арипов Ўзбекистон  Хотин-қизлар кўмитасининг  ҳисобот-сайлов конференциясида юртдошларимизнинг   "Ишлаш учун бошка давлатга кетиши  ...

Сомалидаги 8 минг оилага ичимлик суви етказилди

Бирлашган Миллатлар Ташкилотининг Қочқинлар бўйича Олий комиссарлиги, Сомалидаги 8 минг оила ичимлик суви билан таъминланганини маълум қилди.  Ташкилот Твиттердаги саҳифасида ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400