Диний идора мактабда рўмол ўрашни ихтиёрий тартибда белгилашни таклиф қилди

Мусулмонлар идораси умумий ўрта таълим мактабларида рўмол ўрашни ихтиёрий тартибда жорий этишни таклиф қилмоқда.

Ўзбекистондаги маҳаллий нашрларнинг хабар қилишича, Диний идора шу кунда Норматив ҳуқуқий ҳужжатлар лойиҳаларининг муҳокамаси портали – regulation.gov.uz сайтига жойланган лойиҳанинг 9-бандига ўзгартиш киритишни таклиф қилмоқда.

“Диний идорага жуда кўп мурожаатлар бўлаётгани сабабли ислом динида баён этилган масалаларга асосланган ҳолда виждон ва эътиқод эркинлиги борасидаги қонун ҳужжатларига таяниб, муҳокамага қўйилган ушбу низомнинг 9-бандидаги «Ўқувчилар таълим муассасаси биноси ичида бош кийимсиз юришлари лозим» деган жумлани қуйидагича баён этишни таклиф қилди: «Ўқувчиларнинг таълим муассасаси биноси ичида бош кийимда ёки бош кийимсиз юришлари ихтиёрийдир», дея иқтибос келтирди Диний баёнотидан ушбу нашр.

Шу кунда Норматив ҳуқуқий ҳужжатлар лойиҳаларининг муҳокамаси портали – regulation.gov.uz сайтига жойланган Халқ таълими вазирлигининг “Умумий ўрта таълим муассасалари ўқувчиларини замонавий мактаб формаси билан таъминлаш чора-тадбирлари тўғрисида​”ги қарори муҳокамаси 27 июнь куни якунига етади.

12 июнь куни муҳокамага қўйилган ҳужжатга 24 июнга қадар 100 га яқин изоҳ ва таҳрир бўйича таклиф қолдирилган. Муносабатнинг асосий қисми айнан мактаб кийими, хусусан, бош кийим ҳақида.

Ушбу ҳужжатнинг 9-бандида “Ўқувчилар таълим муассасаси биноси ичида бош кийимсиз юришлари лозим, таълим муассасасида ўтказиладиган турли тадбирлар жараёни бундан мустасно”, деб белгиланган.

Айнан шу банд, айниқса, ўқувчиларнинг рўмол ўраши тарафдори ва бунга қарши бўлганлар ичида жиддий баҳсларга сабаб бўлмоқда.

Тарафдорлар буни эътиқод эркинлиги таъминланган демократик мамлакатдаги муслима ўқувчиларнинг қонуний ҳаққи, демоқда. Қаршилар эса дунёвий давлат бўлган Ўзбекистонда таълим тизими стандартларини белгилаш давлат ваколатида ва бу стандартлар диний эътиқодидан қатъий назар ҳаммага бирдек бўлиши керак, демоқда.

Жамоатчилик муҳокамаси битгач, бу ҳужжат Вазирлар Маҳкамаси томонидан қабул қилиниши лозим.

Манба: Ozodlik.org

Бўлишинг:

Муҳаррир танлови

Қирғизистон парламенти косонсой сув омборини ўзбекистон билан биргаликда фойдаланиш масаласини кўриб чиқмоқда

Жўқўрғу Кенешнинг 13 декабрь кунги мажлиси кун тартибига «Қирғизистон ҳукумати ва Ўзбекистон ҳукумати ўртасида ҚРнинг Жалолобод вилояти Ола-Буқа туманидаги Ўрта-Тўқой ...

Ўзбекистон темир йўллари замондан орқадами? ёхуд ўз пулингиз темир йўл кассасида сизни ўн кун кутса-я…

Мақолани ўқишингиздан олдин сизга савол билан юзланмоқчиман. Поездга чиққанмисиз? Хизмат сафари ёки узоқдаги қариндошларингизни кўргани борганингизда айнан темир йўл ...

Бишкекда «тўй учун қарз олма!» номли акция бўлиб ўтди

Бишкек шаҳрида 11-февралга ўтар кечаси фаоллар қарз олиб тўй ўтказишга қарши акция ўтказишди. Унда шаҳарнинг ҳар бир ҳудудига, асосан банкларнинг кириш қисмига «Тўйга қарз ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400