Туркия МСК Эрдўғонни президент сайловининг ғолиби дея эълон қилди

Туркиянинг амалдаги президенти Ражаб Тойиб Эрдўғон муддатдан аввал бўлиб ўтган президентлик сайловида ғалаба қозонди. Бу ҳақда Туркия Олий Сайлов комиссияси (МСК) раҳбари Сади Гувеннинг сўзларига таяниб, давлатга тегишли Anadоlu агентлиги маълум қилди.

Бюллетенларнинг 98 фоизи ҳисоблаб чиқилганидан сўнг Эрдўғон сайловчиларнинг мутлоқ кўп овозини қўлга киритгани аниқ бўлди. Ҳозирча ҳисоблаб чиқилмаган овозлар сайлов натижаларини ўзгартирмайди,— дея таъкидлади Гувен.

Эрдўғоннинг ўзи эса якшанба куни кечқурун ўзининг ғалабаси ҳақида баёнот берган эди.

Туркиянинг амалдаги президентининг асосий рақиби мухолифатдаги Халқ – республикачилар партиясининг вакили Муҳаррем Инже эди. У 30 фоиз овоз олди. Мухолифат сайлов натижаларини ҳийлалар самараси дея атади ва овозлар охиригача ҳисоблаб чиқилмагунига қадар Эрдўғоннинг ғалабасини тан олишдан воз кечди.

24 июн куни бўлиб ўтган парламент сайловларида Эрдўғон бошчилигидаги Адолат ва тараққиёт партияси (42 фоиз овоз олиб) ғалаба қозонди. Мухолифатдаги етакчи – Халқ -республикачилар партияси – салкам 23 фоиз овоз олди. Курдпараст Демократик халқлар партияси 11,5 фоиз овоз олди. Адолат ва Тараққиёт партияси сайловолди кампанияси даврида ультрасўл Миллатчилар ҳаракати партияси билан альянс тузди. “Халқ альянси”, Anadolu хабарига кўра, 53 фоиз овоз тўплади, бу дегани Туркия парламентидаги 600та ўриннинг 340тасини қўлга киритганини англатади.

Ражаб Эрдўғон 2003 йилдан 2014 йилга қадар Туркия бош вазири бўлиб ишлаган, сўнг президентлик сайловларида ғолиб бўлди. Унинг ташаббуси билан 2017 йил апрелида президентлик бошқарувига ўтиш масаласида референдум бўлиб ўтди: президент катта ваколатларга эга бўлди, бош вазир лавозими бекор қилинди.

Манба: “Озодлик” сайти

Бўлишинг:

Муҳаррир танлови

Туркияда бир ҳафта давомида 6 мингга яқин ноқонуний муҳожир ҳибсга олинди

Туркия ҳуқуқ-тартибот идоралари сўнгги бир ҳафта ичида 6 мингга яқин ноқонуний муҳожирни ҳибсга олди, деб  «Таржумон.уз» ёзмоқда. Ноқонуний муҳожирларни қўлга олиш бўйича ...

Ямандаги ҳусийлар саудиянинг нефть иншоотларига зарба берди

Эрон билан алоқаси бўлган Ямандаги исёнчи ҳусийлар гуруҳи Саудия Арабистонининг суюлтирилган газ ва денгиз сувини қайта ишлаш заводлари, нефть иншоотлари ва электр ...

Бухорода фоҳишахона аниқланди

Фото:Қувват Ярашов 60 ёшдан ўтган кишининг ўзининг яшаш уйида фохишахона ташкил қилганлиги аниқланди. Бухоро  вилоят ИИБ ходимлари томонидан ўтказилган тезкор профилактик ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400