Ўзбекистон четга 2 миллиард долларлик мева сотмоқчи, аммо ярим йилда атиги тўртдан бирини сотган

Ташқи савдо вазирлиги эълон қилган маълумотлар Ўзбекистон ўз меваларини экспорт қилишда ҳали мўлжалдагидан 10 баравар ортда эканини намойиш этган.

Президент Шавкат Мирзиёев пахта ва ғалла майдонларини қисқартириш ғоясини илгари сурган, бу майдонларда мева ва савбзавотларни етиштириш ўзбекистонликларга кўпроқ даромад келтиришини айтган.

Бу йил Ўзбекистонда мева-сабзавот экспортини 2 миллиард долларга етказиш мақсади кўзланган.

Ташқи савдо вазирлиги 2018 йилнинг биринчи ярим йиллигида Ўзбекистон жами 7 миллиард 793 миллион 421 минг АҚШ долларига тенг маҳсулот экспорт қилгани ҳақида хабар тарқатди.

Энг кўп экспорт қилинган маҳсулот табиий газ бўлган.

Мамлакат қарийб 1 миллиард 140 миллион долларлик газини четга сотган.

Энг кўп экспорт ҳажми бўйича кейинги ўринни мева-сабзавот ташкил қилди.

 

 

 

6 ой ичида 463 миллион долларлик мевалар, бошқа полиз маҳсулотлари хорижга сотилганини кўрсатади Ташқи савдо вазирлиги маълумотлари. Агар экспортга масъул раҳбарларнинг бюрократияси бўлмаганида, Ўзбекистоннинг ярим йиллик мева-сабзавот экспортидан тушган даромадлари янада кўп бўлиши мумкин эди. Сурхондарё вилоятида бу йил жуда кўп пиёз экилди, пиёз айни етилган вақтида “Ўзбекозиқовқатхолдинг” ҳаддан зиёд кам нарх таклиф қилди.Оқибатда пиёз эккан жуда кўп инсонлар таклиф қилинган нарх қилган харажатларини ҳам қопламаслигидан норози бўлдилар, жуда кўп майдонларда пиёз экилган далаларни ҳайдаб ташладилар.

 

Кўплаб фермерлар моддий зарар кўргани ҳақида xabar.uz сайти ёзди.Фарғона вилоятида эса “Ўзагроэкспорт”нинг нарх сиёсати туфайли музлатгич омборхонага ғамлаб қўйилган юзлаб тонна турп, сабзи, шолғом ахлатга ташлангани ҳақида kun.uz хабар тарқатди. Сўнг ўзбекистонлик боғбон ёки деҳқонлар ҳали ҳам ўз маҳсулотини ташқарига олиб чиқиш йўлларини билмасликлари, ҳамон мевалар яшикларга солинаётгани, деҳқонлар ғирромлик қилаётганлари ҳақидаги танқидлар билдирилди. Ўзбекистон 2018 йили 2 миллиард долларлик мева-сабзавотни экспорт қилишни, 2020 йилга бориб эса бу рақамни 5 миллиард АҚШ долларига етказишни мўлжаллаган.

Манба: BBC uzbek

Бўлишинг:

Муҳаррир танлови

Самарқанд вилояти собиқ ҳокимининг юнусободдаги уйи давлат фойдасига ўтказилди

"Jahon.uz" ишончли ўз манбалари орқали қўлга киритган маълумотларга кўра, Самарқанд вилоятининг собиқ, ҳозирги Каттақўрғон туманининг амалдаги ҳокими Аъзамхон Баҳромов 2009 ...

Турклар ўзбекистонда йирик логистика мажмуаси қуради

Туркиянинг Gentes Yapi ve Endustry Tesisleri Ltd Sti компанияси Ўзбекистонда йирик логистика мажмуаси қуришни режалаштирмоқда, деб хабар берди "Ўзбекозиқовқатхолдинг" ...

Ақш – бизнинг иттифоқчимиз !!!

Мухаммад Али  Дунёвий демократик муҳолифатчилар хақида гап кетганда, кўпчилик интернет нашрларида, бизни  Америкапарастлар, Америка малайлари, деган тамға билан сийлашганлар  ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400