Қурбон Ҳайитингиз муборак бўлсин!

Ҳурматли ва қимматли ватандошлар!

Сизларни азалдан мусулмон аҳлининг тинчлик, бирлик, бирдамлик, меҳр-оқибат ва ўзаро ёрдам каби абадий инсоний қадриятларини янада мустаҳкамлайдиган асосий байрамларидан бири бўлмиш Қурбон ҳайити байрами билан чин қалбимдан табриклайман!   

Аслида Қурбон ҳайити — фақат диний байрам эмас, инсониятни меҳр-шафқатга, эзгуликка чорлайдиган, табаррук ислом динимизнинг яхшилик, яратувчанлик ҳамда узвийликка йўғрилган дин эканини намойиш қилиб, дунё аҳли мусулмонларини тинчлик ва аҳилликка, ўзаро муросага даъват қиладиган маънавий қадрият ва муқаддас байрамдир.

Бу қутлуғ байрамда барчамиз, энг аввало, мана шундай файзли ва барокатли кунларга етказгани учун Аллоҳ таолога чексиз шукроналар айтамиз.

Қурбон ҳайитининг маъно-мазмуни бугунги кунда янада кенг қулоч ёзмоқда. Оилаларга, маҳалла ва жамият аҳлига меҳр ва эътибор кўрсатиш, кўмакка муҳтож, эҳтиёжманд кишиларга беғараз ёрдам бериш, яхшилик, сабру қаноат каби эзгу фазилатларни ўзида тобора мужассам этиб бормоқда. Мана шундай қутлуғ кунларда хонадонингизни нур, қалбингизни сурур тарк этмасин, умрингизга, ризқингизга қут-барака, ишларингизга, ўқишларингизга, келгуси ҳаётингизга ривож тилайман!

Қурбон ҳайитингиз хайрли ва муборак бўлсин!

Ҳурмат ва эҳтиром ила,

Баҳодир Хон Туркистон,

“Бирдамлик” Халқ Демократик ҳаракати раҳбари

Бўлишинг:

Муҳаррир танлови

Қозоғистон республикаси президенти нурсултон назарбоевга

«Бирдамлик» Халқ Демократик партиясининг раиси Баҳодир Хон Туркистондан Муҳтарам Президент! Жорий йилнинг 11-ноябридан 16-ноябригача бўлиб ўтган воқеалар менинг зиммамга ...

Баҳодир чориевнинг сайловчиларга мурожаати

Азиз ватандошлар! Қадрли миллатдошлар! Аввало, барчангизни кириб келган Наврўз билан табриклайман. Баҳор ва янгиланиш – халқимизнинг узун йиллардир орзиқиб кутаётганидир. ...

“мухолифатчилар кимлар? га жавоб” мақоласини мен ҳам ўқидим

Ушбу мақолани ўқибоқ  тўғриси, анча йиллардан бери таниш манзаралар, яъни Фэйсбук сайтида жуда кўп кузатиб борганларим: мунозаралар, тортишувлар, ҳар –хил тоифадаги ...