25 йил давомида Иқбол Мирзо жаҳолат ботқоғида ухладими ё мудрадими?

Яқинда бир танишим (нинг отаси) хизмат сафари билан Буюк Британияга борди.
Кетиш олдидан одамлардан “уёқда доллар ҳам, евро ҳам ўтмасмиш, фунт стерлинг олиб кетиш керакмиш” деб эшитиб, Урганч-у Нукус, Тўрткўл, Беруний-ю Хазараспда неча “валютчик” бўлса – эплаб, зўрға беш юз фунт стерлинг топибди ва “қайдасан Лондон” деб йўлга тушибди.

Иқбол Мирзо

Оти билан хизмат сафари – хизмат сафари, меҳмонхона-ю, еб-ичар текин. Бирор жойга ҳам ўзлари автобусда текин обориб-обкелишармиш.
Хуллас, ўн беш кун халак бўлиб йиққан беш юз фунт пулини ишлатишга ҳожат бўлмабди.
Қайтиш олдидан бу пулга бола-чақасига ул-бул олиш учун супермаркетга кирибди.
Невараларига майда-чуйда, совға-салом олиб, пулини кассирга узатса – олмасмиш!
– Кечирасиз. – дермиш инглизчалаб. – Биз пулингизни ололмаймиз. Пластик карточкангиз йўқми?
Сотувчилар уёқ-буёққа телефон қила бошлаганини кўриб акахонимиз қўрқиб кетибди. Чунки, хукумат валюта алмаштириш шаҳобчалари очиб қўйган бўлса ҳам, ҳамон “валютчик”ларнинг бозори чаққон, улардан ҳар бало кутиш мумкин.
Балки пуллари сохтадир?
Бир махал дўкон иш бошқарувчиси етиб келибди ва пулларини санаб олибди.
Менежер кўзларидаги бежолик ва норозиликни кўриб, акахонимиз бунинг боисини тушинмабди ва сабабини сўрабди.
– Сабаби оддий! – дебди менежер. – Мен шу тўрт қаватли супермаркетни иш бошқарувчисиман. Дўконимизнинг ҳар бир қаватида ўнлаб сотувчи бор, уларнинг ҳаммаси терминалда савдо қилишади. Харидорлардан нақд пул қабул қиладиган битта кассиримиз бор эди, унга иш қолмай бир йил олдин бўшатворгандик. Энди пулингизни банкка обор деб инкасаторга пул тўлаш керак…
Буюк Британиялик мезбонларни безова қилганидан хижолат бўлган мехмон қолган пулиниям шу дўконда сарфлабди…
Бу воқеа нега ёдингга тушди дейсизми?
Эсингиздами, Иқбол Мирзо жаҳолат ботқоғида ухлабми, мудрабми ётган чоғларда пластик карточка ва нақд пул орасидаги фарқ 10-15 фоиз эди? Арз қилсанг, шундай жавоб олар эдинг: БУНИ ХАТТО МАРКАЗИЙ БАНК ҲАМ ТАН ОЛИБ ҚЎЙИБДИ…
Сиздан илтимос Иқбол ота, 25 йил ухлабсиз, хеч бўлмаса яна бир йил ухланг?
Сабаби хозир “обналичка” беш фоизга чиқди, бу кетишда яна бир йилдан кейин 10-15 фоизга чиқиши аниқ!
Ўшанда шундай кўзингизни очасиз-у, “ҳалиям Ислом отамни замонсида яшаётган эканмиз-да…” дейсиз-да, яна мудрайверасиз!

25.08.2018

Муаллиф:Қадамбой Отабоев   

Бўлишинг:

Муҳаррир танлови

Маънавият ва маърифат маркази раҳбари ​тошкентдаги шов-шувли дастурлар ва эфирга узатилган «браво» ҳақида муносабатини билдирди​ 

Республика Маънавият ва маърифат маркази раҳбари Алишер Қодиров кўп шов-шув ва муҳокамаларга сабаб бўлган Тошкентда концерт берган айрим ғарб мусиқа ижрочилари, ТВ эфирига ...

Эрдӯғон билан қодиров нима учун юрт бошқарувидан кетмоқчи?

Ҳафта хаёлга келмаган воқеалар билан бошланса шанбагача қандай ӯзгаришлар рӯй бераркан, деб ҳайрон қоласан, киши. (more…)

Яна ҳалокат, яна миллатдошларимиз

25 февраль куни Тошкент вақти билан кеч соат 19:40 чамасида, 35 нафар ӯзбекистонлик фуқаролар минган автобус ағдарилиб кетган. Бу каби фожиали воқеа бир йилнинг ўзида ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400