Тошкент шаҳрида аёлнинг юзига кислота сепиб юборган шахслар қўлга олинди

Тошкент шаҳрининг Учтепа туманида жиноят содир этилди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси маълумот бермоқда.

Хабарда айтилишича, жорий йилнинг 29 июнь куни номаълум шахслар Чилонзор 11-даҳасида безорилик оқибатида Л.К. исмли аёлнинг юзига кислота суюқлигини сепиб юбориб, жароҳат етказиб, воқеа жойидан яширинган. Л.К. шифохонага ётқизилган.

Кўрилган чоралар натижасида ушбу жиноятни Олмазор туманида яшовчи Н.А., Ш.Н., Д.А. ва Ҳ.А. содир этганликлари аниқланиб, қўлга олинган.