Бошқа мавзуларТошкентда қўлга олинган блоггер Адҳам Олимовнинг яқинлари 5 кундан бери у қаерда эканини аниқлай олмаяптилар. Бу ҳақда “Газета уз” нашри 3 сентябрь куни маълум қилди.
Хабарда айтилишича, Musannif Adham таҳаллуси остида диний мавзуларда ёзувчи блоггер Адҳам Олимов 28 август куни Тошкент туман Олмазор туман милициясигша олиб кетилган.
Кейинроқ уни Олмазор туман суди милиция ходимининг қонуний талабини бажармаганликда айбдор деб топиб, 15 суткага қамагани аниқланган. Бироқ 6 кундан бери яқинлари унинг қаерда сақланаётганини аниқлай олишмаяпти. Қариндошларнинг уни топиш мақсадидаги қидирувлари натижа бермаган.
Хабарда айтилишича, Адҳам Олимов билан бир қақтда Тошкентда Зиёвуддин Раҳим ва Андижонда Отабек Усмонов исмли блогггерлар ҳам қўлга олинган.
Зиёвуддин Раҳим Олмазор туман суди қарори билан10 кунга қамалган. У ҳам илиция ходимининг қонуний талабини бажармаганликда айбланмоқда.
Отабек Усманов эса ўзи ишлаётган General Motors Uzbekistan ширкатида қўлга олинган ва 15 суткага қамалган.
25 августда блоггер Муҳаммад Шакур Тошкент шаҳар Қибрай туман милициясига олиб келиниб, бир неча соат сўроққа тутилганидан сўнг қўйиб юборилгани хабар қилинган эди.
