ТВда танқид қилинган ўқувчиларнинг ота-оналари лавҳа муаллифларини судга бермоқчи

“Ўзбекистон 24” каналида эфирга узатилган кўрсатувда танқид қилинган Тошкент шаҳридаги 110-мактабнинг директори юз берган ҳолат бўйича Халқ таълими вазирлигига шикоят қилмоқчи. Лавҳада кўрсатилган ўқувчиларнинг ота-оналари эса “Ўзбекистон 24”ни судга бермоқчи. Бу ҳақда “Turon 24” манбаси хабар бермоқда.

Халқаро пресс-клубнинг “Ўзбекистон 24” каналида эфирга узатилган навбатдаги сессиясида пойтахтдаги бир қатор мактабларда ўқитувчи ва ўқувчиларнинг формаси талабга жавоб бермаслиги ҳақида сўз боради. Лавҳада калта юбка кийган, соч ўстирган, юзларини бўяган ўқувчилар билан бирга ўқитувчилар ҳам танқид қилинган, бироқ уларнинг юзлари кўрганлар танимас даражада хиралаштирилмаган, яъни айбсизлик презумпциясига амал қилинмаган.

Мавзкур лавҳа ижтимоий тармоқларда қизғин муҳокамаларга сабаб бўлган. Бу ҳақда фикр билдирганларнинг аксарияти журналистларнинг хатти-ҳаракатларини кескин қоралаган, бундай лавҳани эфирга узатгани учун телеканал раҳбариятини инсон ҳуқуқларини поймол қилишда айблаган.

“Turon 24″га маълум қилишларича, “Ўзбекистон 24” телеканалида эфирга узатилган лавҳа Халқаро пресс клуб томонидан тайёрланган бўлиб, бунинг телеканалга алоқаси йўқ.

Эслатиб ўтамиз, халқ таълими вазири Шерзод Шерматов “Facebook”даги саҳифасида “Ўзбекистон 24” телеканалида намойиш этилган лавҳага ўз муносабатини билдириб ўтган эди. “Этикага кўра, агар телевидение орқали шахс розилигисиз бирор киши салбий образда намойиш этилса, уларни кимдир таниб қолмаслиги учун юзларини ёпиш керак бўлади. Тараққийлашган жамиятда шахсни оммавий таҳқирлашга йўл қўйиб бўлмайди, айниқса болаларни! Умид қиламанки, келажакда ҳурматли журналистларимиз бундай муҳим деталларни ҳисобга олишади”, – деган эди халқ таълими вазири.

 

Бўлишинг:

Муҳаррир танлови

Рухсат берилмаган клипни чиқарганлар учун жазо борми ёки кимларнингдир «шохи» борми?

ОАВларда ёзилишича, Жаҳонгир Позилжонов ижросидаги ўта савиясиз қўшиқ ва унга ишланган маддоҳона клип учун «Ўзбекконцерт» бадиий кенгаши томонидан расмий рухсат олинмаган ...

Муштумзўр методист. андижон хтб тизимида бўлаётган хунук воқеа

Беш ойдирки, боши ғавғодан чиқмай қолган Нилуфар Маматқулованинг бор-йўқ айби ўқувчисига бўлган меҳри, ундаги руҳий ўзгаришлардан хавотир олганлиги эди, холос. Унинг ўрнида ...

Булоқбоши туманидаги яна  бир порахўр директорга суд ҳукми ўқилди

Зулайҳо Мадярова 1969 йилда туғилган. Олий маълумотли ўқитувчи. 2013 йил 11 октябрдан Булоқбоши тумандаги 4-умумий ўрта таълим мактабига директор этиб тайинланган. ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400