Иссиқни иссиқ, совуқни совуқ демай сувга тушиб, кесак кўтариб машқ қилиб юрган фермерга чиновник эмас нодавлат ҳимоячи керак

Депутат Расул Кушербаев Facebook’даги саҳифасида Савдо-саноат палатасини кескин танқид остига олди. Қуйида унинг матни келтирилади.

Расул Кушербаев

 

“Йирик тадбиркорларни Савдо-саноат палатасига мажбуран аъзо қилиб қўйдик. Хўш, нима ўзгарди?

Ҳа айтганча, бугун Тошкент вилоятидан транспорт хизмати кўрсатиш соҳаси бўйича тадбиркор мурожаат қилиб дардини тўкиб солди:

Савдо-саноат палатаси мажбурий аъзолик ҳуқуқидан фойдаланиб улардан аъзо бўлиш ва аъзолик бадали учун энг кам ойлик иш ҳақининг 100 баравари миқдорида пул тўлашни талаб қилаётган экан.

Қойил-е, тадбиркорни ҳимоя қилиши керак бўлган палатадан вақти келиб тадбиркорнинг ўзини ҳимоя қилишга тўғри келса-я. Эртага фермернинг бошига ҳам шу кунлар келмаса эди.

Иссиқни иссиқ, совуқни совуқ демай сувга тушиб, кесак кўтариб машқ қилиб юрган фермерга чиновник эмас нодавлат ҳимоячи керак”, – деб ёзади депутат.

Маълумот учун, Савдо-саноат палатаси республикада тадбиркорлик фаолияти, аввало, кичик ва хусусий бизнесни ривожлантириш, реал мулкдорларнинг кенг синфини шакллантириш, мамлакатнинг иқтисодий ҳаётида хусусий сектор роли ва аҳамиятини оширишга кўмак бериш; хорижий шериклар ва инвесторлар билан ишбилармонлик алоқаларни кенгайтириш, маҳаллий тадбиркорлар томонидан ишлаб чиқарилган экспорт маҳсулотини ташқи бозорларда илгари суриш, шунингдек, қўшма корхоналар ташкил этиш, кичик ва хусусий корхоналарни техник жиҳозлаш ва янгилаш учун республикага бевосита хорижий инвестицияларни жалб қилишда республика тадбиркорларига кўмак бериш; бошқа давлатларнинг Савдо-саноат палаталари ва тадбиркорлар жамоат бирлашмалари билан ҳамкорликни йўлга қўйиш ва ривожлантириш, Ўзбекистон тадбиркорлари делегацияларининг ишбилармон ташрифларини ташкил этиш ва республикага чет эллик тадбиркорларни таклиф қилиш, республикада ва чет элда халқаро бизнес-форумлар, савдо-саноат кўргазмалари ва ярмаркаларни ўтказиш ва бошқа вазифаларни бажаради.

Манба:Кун.Уз

 

Бўлишинг:

Муҳаррир танлови

Чилонзорда овқатдан заҳарланган 4 киши вафот этди

Ҳодиса юзасидан батафсил маълумотлар экспертиза хулосаси чиққанидан сўнг маълум қилинади. Тошкент шаҳар ҳокимлиги Матбуот хизмати берган хабарга кўра, Тошкент шаҳрининг ...

Суюнманг, хилол насимовга хали кўп буюртмалар берилади

uz24 сайтидаги  Ҳилол Насимовнинг бошқа ишга ўтказилгани тўғрисида ёзилган хабарда гўёки “Эрта суюняпсизлар, Ҳилол Насимовга ҳали кўп кинолар буюртма қиламиз”, деган маъно ...

Ғарб цивилизацияга ружу қӯйиб, канализацияга тушманг!

Ёзажак янгиликни эшитган пайтимда мен қӯшни Қозоғистонда эдим.  Квартирада бирга яшайдиган қозоғистонлик дӯстим эрталаб менга: -- Нур, янгиликларни ӯқидингми? –деб қолди.  У ...