Сирдарёда фермерлар “нопок ишга қўл урмасликка” оммавий равишда қасамёд қилди

Сирдарёнинг Боёвут ва Гулистон туманларидан бўлган ғаллакор фермерлар “нопок ишга қўл урмасликни эзгу ният қилиб”, оммавий равишда қасамёд қабул қилди.

Вилоят ҳокимлиги нашри бўлган “Сирдарё ҳақиқати” газетасининг ёзишича, фермерларнинг қасамёд маросими бошқа туманларда ҳам бўлиб ўтган.

Ғофуржон Мирзаев

“Сирдарё ҳақиқати” газетасининг ёзишича, ғаллакор фермерлар вилоят ҳокими Ғофуржон Мирзаев, вилоят прокуратураси ва ҳуқуқни ҳимоя қилиш органларининг вакиллари қаршисида қасамёд қилган.

“Гулистон шаҳри ҳокимлиги қаршисидаги юрт байроғи майдонида ғалладан мўл ҳосил етиштиштиришга азму қарор қилган Боёвут ва Гулистон туманалари фермерлари ўз аҳдларига, шон-шавкатларига содиқлигини ифодалаб, юрт тараққиётига беқиёс ҳисса қўшишни, нопок ишларга қўл урмасликни эзгу ният қилиб, қасамёд қабул қилдилар”, деб ёзади ушбу нашр 16 ноябрь кунги сонида.

Хабарда бундай маросим илк бор ўтказилаяптими ёки аввалги йилларда ҳам бўлганми, маросимнинг ўтказилишига сабаб нима – бу ҳақда ҳеч қандай маълумот берилмаган.

Ўзбекистонда фермерларнинг оммавий равишда қасамёд қилишларига оид ҳолат Озодликка илк бор маълум бўлмоқда.

“Сирдарё ҳақиқати” газетасининг Телеграм тармоғидаги каналида хабарга илова қилинган суртатларда қасамёд маросимига ўнлаб фермернинг йиғилгани, қўлида чоп этилган қасамёд матнини тутганича, сафда турганини кўриш мумкин.

Бу йил мамлакатда сув танқислиги кучли бўлгани ва ҳашоротларнинг фавқулодда кўпайгани боис, қишлоқ хўжалиги оғир аҳволда қолгани кузатилмоқда.

Ўзбекистон президенти Шавкат Мирзиёев шу йилнинг октябрь ойида Тошкент вилоятига қилган сафари пайтида, бу икки муаммо боис, пахта йиғим-терими кеч қолгани ва ҳосилнинг оз бўлганини қайд этди.

 

Бу эса, ўз навбатида, буғдой экилиши ва суғорилишининг ортга сурилишига сабаб бўлди ва натижада, Озодлик биринчи бўлиб ёритган “Оққўрғон иши”гасабаб бўлди.

Шу йилнинг 25 октябрида Тошкент вилоятининг Оққўрғон туманида буғдойни вақтида суғормагани учун 6 киши ариқдаги сувга тушириб, таҳқирлангани кузатилди. Ўша куни вилоятнинг Бекобод туманида яна 6 киши далада кесак кўтартириб таҳқирланди.

Бу воқеалар ортидан Ўзбекистон Бош вазирининг Қишлоқ ва сув хўжалиги, қишлоқ хўжалиги ва озиқ-овқат маҳсулотларини қайта ишлаш масалалари бўйича ўринбосари Зойир Мирзаев лавозимидан олиниб, Жиззахнинг Шароф Рашидов туманига ҳоким қилиб қўйилди.

Шунингдек, президент Мирзиёев 29 октябрь куни барча даражадаги давлат ҳокимияти органлари раҳбарлари мажбурий меҳнатнинг ҳар қандай шакл ва кўринишларига йўл қўймаслиги учун жавобгарликни ошириш тўғрисида махсус фармойиш қабул қилди.

Ўзбекистондаги ғаллакор фермерларнинг аксарияти, айни пайтнинг ўзида пахта ҳам етиштиради. Шу боис, қишлоқ хўжалигининг асосий йўналиши бўлган ҳар икки соҳадаги муаммолар натижасига, одатан, фақат фермерлар жавобгар қилиниши кузатилмоқда.

Озодликка мурожаат қилаётган фермерлар бундан норози экани, айниқса, жорий йилда пахтачилик ва ғаллачилик билан шуғулланиш оғир бўлганидан шикоят қилмоқдалар.

 

Манба:Озодлик

Бўлишинг:

Муҳаррир танлови

Нишон туманида эр собиқ хотинини бўғиб ўлдирди

2019 йил 8 сентябрь куни соат 01:00 ларда фуқаро Т.Э (1979 й.т.) Қашқадарё вилояти, Нишон тумани «Истиқбол» маҳалласида яшовчи собиқ турмуш ўртоғи Т.П (1981 й.т.) билан ...

Боҳодир чориев мухолифатми ёки тадбиркорми?!

Боҳодир Чориевнинг Ўзбекистонга қайтиши ўзбек халқига нечоғли муҳим?!!! “Бирдамлик” Халқ Демократик Ҳаракати Раҳбари Боҳодир Хон Туркистон Боҳодир Чориев янаям тўлиқроқ ...

Кореяда ишлашни истайдиганларга синов кунини банд қилиш муддати маълум қилинди

Комплекс тест маркази Кореяда меҳнат фаолияти юритиш учун марказ сайтида синов куни ва вақтини банд қилиш муддатини эълон қилди. Бу ҳақда Ташқи меҳнат миграцияси масалалари ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400