Ўзбекистонда боғчага бормайдиган болаларга мажбурий бошланғич таълим берилади

Болаларни бошланғич таълимга мажбурий бир йиллик тайёрлашга босқичма-босқич ўтиш чора-тадбирлари тўғрисидаги Ҳукумат қарори қабул қилинди. Бу ҳақда телеграммдаги “Ҳуқуқий Ахборот” канали хабар қилди.

Қарорга мувофиқ, 2018–2019 ўқув йилидан бошлаб Қорақалпоғистон Республикаси, Фарғона вилояти ҳамда Тошкент шаҳрида болаларни мажбурий таълимга бепул бир йиллик тайёрлашни жорий этиш тажриба лойиҳаси амалга оширилади.

Мазкур тажриба лойиҳасини амалга оширишда Мактабгача таълим вазирлигининг асосий вазифалари белгилаб берилди.

Шунингдек, қарор билан болаларни бошланғич таълимга мажбурий бир йиллик бепул тайёрлаш тажриба гуруҳларини жорий этиш тартиби тўғрисидаги низомтасдиқланди.

Низомга кўра, тажриба гуруҳлари мактабгача таълим муассасаларига бормайдиган болаларга мактабгача таълим ва тарбия олишда ёрдам бериш, бунинг учун зарур шарт-шароитлар яратиш мақсадида ташкил этилади.

Тажриба гуруҳларида таълим-тарбия жараёнини йўлга қўйиш учун алоҳида хоналар ажратилади ва улардан фақат мақсадли фойдаланилади, зарур бўлса уларга алоҳида эшикдан кириш ташкил этилади.

Тажриба гуруҳларида жорий йилнинг 1 сентябрь кунида 5 ёшу 6 ойлик бўлган, мактабгача таълим муассасасига бормаётган болалар қабул қилинади.

Шунингдек, низомга кўра таълим-тарбия жараёни болаларнинг овқатланишини ташкил этиш шартисиз бир ҳафтада камида 15 соат (бир кунда 3-4 соат) ўқитишни назарда тутувчи мактабгача таълим муассасалари учун давлат ўқув дастури асосида ташкил этилади.

Битта гуруҳда болалар сони 30 нафардан ошмаслиги керак.

Мажбурий тайёрлов гуруҳлари учун 2018–2019 ўқув йили 2018 йил 10 декабрданбошланади ва 2019 йил 10 августда тамомланади.

Бошланғич таълимга мажбурий бир йиллик тайёргарликдан ўтган болаларга тегишли давлат намунасидаги сертификатлар берилади.

Болаларни бошланғич таълимга мажбурий бир йиллик тайёрлашни жорий этиш бўйича тажриба лойиҳаси амалга ошириладиган ҳудудлар рўйхати қуйида келтирилган:

*) Ўзбекистон Республикаси Мактабгача таълим вазирлиги гуруҳлар сонига ўзгартиришлар киритиш ҳуқуқига эга.

 

Бўлишинг:

Муҳаррир танлови

Фарғона шаҳар уй-жой бўлими ходими пора билан қўлга тушди

Фарғона шаҳар уй-жой бўлими ходими 1 минг 500 доллари миқдорида пора олаётганида қўлга тушди. Бу ҳақда Фарғона вилоят ИИБ матбуот хизматига таяниб ЎзА хабар бермоқда. Жорий ...

Ҳокимдан калтак егани иддао қилинаëтган яна бир фермер ўзини осиб ўлдирди

Қашқадарё вилояти Косон туманида фермерлик қилиб келган Ўктам Эшмуродов сешанба куни даласидаги шийпонда ўзини осди. Бу ҳақда Озодликка хабар берган суиқасд тафсилотларига ...

«фикрлар чорраҳаси» кўрсатуви эфирдан узиб қўйилишига ёшлар иттифоқининг алоқаси борми?

«Маҳалла» телеканалида 4 июль куни соат 20:00 да эфирга узатилган «Фикрлар чорраҳаси» кўрсатувининг ёшлар сиёсати ва Ёшлар Иттифоқига бағишланган сони охирига етмай, тугашига ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400