Бошқа мавзуларЯшнобод тумани ҳокими вазифасини бажарувчи Ҳожиакбар Тиллашайхов ва Сергели тумани ҳокими вазифасини бажарувчи Нозим Ҳусанов ҳоким этиб тайинланди. Бу ҳақда Тошкент шаҳар ҳокимлиги матбуот хизматига асосланиб “Турон24” хабар берди.
Халқ депутатлари Яшнобод ва Сергели туманлари кенгашининг 27 декабрь куни бўлиб ўтган навбатдан ташқари сессиясида ушбу масала кўриб чиқилган.
26 декабрь куни Тошкент шаҳрининг 4 тумани ҳокими вазифасини бажарувчилар расман лавозимга тайинланишганди. Хусусан, Олмазор тумани ҳокими вазифасини бажарувчи Бахтиёр Раҳмонов, Мирзо Улуғбек тумани ҳокими вазифасини бажарувчи Шавкатбек Эргашев ва Миробод тумани ҳокими вазифасини бажарувчи Шуҳрат Пўлатов, Шайхонтоҳур тумани ҳокими вазифасини бажарувчи Шуҳрат Муҳаммадхонов ҳоким этиб тайинланганди.
