Пахтаобод туманида 5 ёшли қизчанинг ўлимида айбланаётган шахс қўлга олинди

28 январь куни Андижон вилояти Пахтаобод туманида беш ёшли қизчанинг жасади топилди. Унинг қўшниси М.И. қотилликда айбланиб қўлга олинди. Бу ҳақда  Газета.uz нашри хабар қилди.

Иллюстратив фото

Тергов жараёнида маълум бўлишича, ҳодиса душанба куни тахминан 14:00 атрофида содир бўлган. Содир этилган жиноятни яшириш мақсадида М.И. қизчанинг оёқ кийимларини ҳожатхонага ташлаб юборади, унинг жасадини эса синтетик қопга жойлаштириб, яшаш хонасидаги пол остига кўмиб қўяди.

Ўлим сабабларини аниқлаш мақсадида суд-тиббий экспертизаси тайинланган.

Мазкур ҳолат юзасидан 28 январь куни Пахтабод тумани прокурори томонидан М.И.га нисбатан Ўзбекистон Жиноят кодексининг 97-моддаси 1-қисми билан жиноят иши қўзғатилиб, гумон қилинувчи тариқасида ушланган.

Жиноят иши бўйича 30 январь куни М.И.га Ўзбекистон ЖКнинг 97-моддаси 2-қисми «в, ж, з» бандлари билан айблов эълон қилиниб, шу куни унга нисбатан қамоқ эҳтиёт чораси қўлланилган.

Жиноят иши бўйича дастлабки тергов ҳаракатлари вилоят прокуратураси Ўта оғир жиноятларни тергов қилиш бўлими томонидан олиб борилмоқда, терговнинг бориши Бош прокуратура томонидан назоратга олинган.

 

Бўлишинг:

Муҳаррир танлови

Ўзбекистонда корея республикасининг уч университети филиали очилиши мумкин

Ахборот технологиялари ва коммуникацияларни ривожлантириш бўйича вазир вазифасини бажарувчи Шерзод Шерматов, олий ва ўрта-махсус таълим вазири Ином Мажидов ҳамда Тошкент ...

Кўприкда кун кўраётган аёл ва унинг фарзандларига ким ёрдам беради?

«Ҳар сафар Себзордаги кўприкдан ўтаётганимда мана шу аёлни ва унинг икки фарзандини кўрганимда уларга юрагим ачишади. Аёлнинг фарзандлари ёзнинг иссиқ кунларида музқаймоқ еб, ...

Ов чоғида қариндошини отиб қўйди

Бухоролик Комил Ўринов ов қилиш қоидаларига амал қилмаганлиги туфайли қариндоши  Комил Маттиевни отиб қўйиб, ўлимига сабабчи бўлди. Shooting at Sunrise Олиб борилган тергов ...