Ўзбекистонда кашанда ва пиёниста футболчиларни футболдан умрбод четлатишмоқчи

Зарарли одатларга муккасидан кетган футболчилар умрбод футболдан четлатилиши мумкин. Бу ҳақда Ўзбекистон футбол ассоциацияси биринчи вице-президенти Умид Аҳмаджонов маълум қилди.

Фото: Карикатура.ру

ЎФА матбуот хизматининг маълум қилишича, бундан буён махсус комиссия футболчиларнинг «спиртли ичимликлар ичиш, сигарет, чилим чекиш каби зарарли одатларга муккасидан кетмаслиги учун» уларнинг соғлом турмуш тарзига риоя этишларини назорат қилиб боради.

“Ҳукуматимиз мамлакат футболини оёққа турғазиш йўлида катта ҳажмдаги ишларни амалга оширмоқда. Мана шундай пайтда турли иллатлар орқали фақат ўз манфаатини ўйлайдиган, мамлакат футболи ривожига тўсқинлик қиладиган шахсларга нисбатан кескин чоралар кўрилади. Бундан ташқари, махсус инспекция томонидан футболчиларнинг соғлом турмуш тарзига қандай риоя қилаётганлари ҳам назорат қилиб борилади», — дея қайд этди ЎФА биринчи вице-президенти.

Умид Аҳмаджоновнинг таъкидлашича, «баъзи футболчилар машғулотлардан кейин тунги клубларда эрталабгача пиво ичиб, чилим чекиб вақт ўтказишади». Бу эса муҳим ўйинлар арафасида уларнинг жисмоний тайёргарликларига салбий таъсир кўрсатиши мумкин.

«Бу эса миллий терма жамоаларимизга ҳам халқаро майдонларда халақит қилиб келмоқда. Шундан келиб чиқиб айтишим мумкинки, ҳар бир футболчи аввало профессионал бўлиши керак. Биринчи навбатда жисмоний тайёргарлиги устида ўзи қайғуриши зарур. Лекин соғлом турмуш тарзига риоя қилмай, олаётган катта пулларини фақат маишатга сарфлаб юрган футболчилар махсус инспекция томонидан аниқланса, улар бир умрга футболдан четлатилади», — деди у.

Манба:Дарё Лайф

Бўлишинг:

Муҳаррир танлови

Қор бору спортчи йӯқ

Кеча Жанубий Кореянинг Пёнчанг шаҳрида ХХIII қишки Олимпиада ўйинларининг расман очилиш маросими бӯлиб ўтди. (more…)

Қирғизистонда 14 ёшдаги кикбоксчи рингда тўсатдан вафот этди

Қирғизистоннинг Тўқмоқ шаҳрида 17-19 август кунлари кикбоксинг бўйича халқаро мусобақа ўтказилаётганда Қирғизистоннинг Ўш вилоятидан келган 14 ёшдаги спортчи вафот этди. Бу ...

Ўзбекистонлик спорт курашчилари халқаро турнирда иккита кумуш медални қўлга киритди

Ўзбекистон спорт курашлари терма жамоасининг икки вакили Болгариянинг Русе шаҳрида бўлиб ўтган спорт курашлари бўйича халқаро турнирда иккита кумуш медалга эга чиқди. Бу ...