Фарғонада маҳалла посбони қўшнисини уриб ўлдирди

Фарғонада маҳалла посбони вазифасида ишлаган фуқаро ўзаро жанжал оқибатида оғир тан жароҳати етказган шахснинг ўлимига сабабчи бўлди. Бу ҳақда ЎзА хабар берди.

Р.О. Фурқат туманидаги «Чек кўприк» маҳалла фуқаролар йиғинида жамоатчилик тузилмаси раҳбари вазифасида ишларди. У 2018 йил 27 октябрь куни соат 22−00ларда ҳамқишлоғи билан спиртли ичимлик ичиб, уйига қайтаётганида маст бўлган қўшниси К.С. билан ўзаро гап талашиб, жанжаллашади.

Жанжал давомида К.С. маҳалла посбонининг юз қисмига бош соҳаси билан бир маротаба уриб, енгил тан жароҳати етказган. Р.О. қўшнисини тинчлантириш ўрнига муштлашишни давом эттириб, қўл ва оёқлари билан юз қисмига ва баданининг турли соҳаларига қасддан бир неча маротаба уриб, ҳаёт учун хавфли бўлган оғир тан жароҳати етказиб, унинг ўлимига сабабчи бўлган. К.С.нинг мурдаси шу жойдаги йўл четидан оқиб ўтувчи зовур ичидан топилган.

Олиб борилган тезкор суриштирув ҳаракатлари давомида Р.О.нинг яшаш хонадонидан бир жуфт оёқ кийим ва ёниб кетган кийимларнинг қолдиқлари холислар иштирокида далилий ашё тариқасида олинган.

Жиноят ишлари бўйича Фурқат туман судида Р.О.нинг жиноят иши кўриб чиқилиб, унга Ўзбекистон Республикаси Жиноят Кодексининг 104-моддаси 3-қисми «д» банди билан саккиз йил муддатга озодликдан маҳрум қилиш жазоси тайинланди.

 

Бўлишинг:

Муҳаррир танлови

Трамп сайловларда мағлуб бўлишига олиб келиши мумкин бўлган ягона сабабни айтди

АҚШ президенти Дональд Трампнинг таъкидлашича, ноябрда ўтадиган президент сайловларида коронавирус пандемияси сабабли почта орқали овоз бериш сабабли мағлубиятга учраши ...

Муаммоларимиз сасиб чиқа бошлади

25 йил бутун дунёга ёпилганимиз, муаммоларни яширганлигимиз натижаси энди муаммолар барча бурчакдан сасиб чиқиб бошлади. Юксак маънавият, менталитет, миллийлигимиз каби ...

Элликқалъа туманида юз берган ёнғинда тўрт киши ҳалок бўлди

Қорақалпоғистон Республикаси Элликқалъа туманида юз берган ёнғинда 4 киши ҳалок бўлди, деб хабар беради Давлат ёнғин хавфсизлиги хизмати матбуот хизмати. Фото:dyxx.uz 20 ...