Россияда пичоқланган аёл Ўзбекистонда дафн этилди

Ўзбекистоннинг Москва шаҳридаги элчихонаси консуллик бўлими Тула области Узловая шаҳрида фуқаро У.Эгамуротованинг ўлдирилиши билан боғлиқ вазиятни кузатиб боришда давом этмоқда, дейилади ТИВнинг расмий сайтида.

Билдирилишича, марҳума келиб чиқишига кўра ҳақиқатдан ҳам ўзбекистонлик бўлиб, 2011 йилда доимий яшаш жойини Россияга кўчирган ҳамда Россия Федерацияси фуқаролигини олиб Ўзбекистон фуқаролигидан воз кечган.

2019 йилнинг 1 май куни У.Эгамуротованинг жасади, ватандош сифатида, Ўзбекистонга етказилди ҳамда 2 май куни ватанда дафн этилди. Жасадни жўнатиш ва дафн этиш харажатларини россиялик иш берувчи ўз зиммасига олди. Марҳуманинг 3 нафар фарзанди – Россия фуқаролари Тула вилоятида ўз оталари – Россия фуқароси қарамоғида қолди.

Айни пайтда Тула вилояти Тергов бошқармаси Узловая шаҳри тергов бўлими томонидан Россия Федерацияси Жиноят кодексининг 105-моддаси 1-қисмида кўзда тутилган жиноят (одам ўлдириш) аломатлари бўйича очилган жиноят ишининг тергов жараёнлари давом этмоқда. Мазкур жиноятни содир этганликда гумонланаётган Россия фуқароси қамоққа олинган.

Айни пайтда у билан тергов ишлари олиб борилмоқда ва у Россия Жиноят кодекси доирасида ўз қилмишига яраша жазо олади, дейилади хабарда.

Бўлишинг:

Муҳаррир танлови

Тошкентда носвой цехи эгасига жиноий иш қўзғалди

Бектемир туманида носвой тайёрлаш бўйича яширин цех фаолият кўрсатаётгани аниқланди. Бу ҳақда ИИББ сайтида хабар берилди. Хабарда айтилишича, цехни шу туманда яшовчи 36 ёшли ...

Компьютерлар ўқишни тушиниш борасидаги имтиҳонда одамларни ортда қолдирди

Хитойнинг Alibaba ва Американинг Microsoft компаниялари баёнот билан чиқиб, ўзларининг компьютер дастурлари ўқиб чиқилганларни тушиниш масаласида ўтказилган имтиҳонда ...

Марказий банк: валютада берилган кредитлар мижозлар фойдасига қайта кўриб чиқилади

МБ тижорат банкларига хорижий валютада кредит олган ҳар бир мижоз билан биргаликда ушбу кредитларни қайтариш имкониятларини ўрганиб чиқишни тавсия қилди. (more…)